قلـــمــــــــــــين

بحبك ياتامر وووووووووووووووووووووووووووووه
تامر المغني الجميل أوي خالص ( شعر الصدر حسين )
بنتكلم النهارده عن مطرب الجماهير ونقول له كفاره ياجميل
ومبروك خروجك من السجن وهروبك من التجنيد ولا شكلك خوفت تخش الطبي
وأنت عارف بقي الشهادات الحمرا كترت اليومين دول لان الشباب مش عارفين دلوقت هما رجاله ولا …………

الله أعلم بحالهم
المهم ياعمي نشوف الهانم بقي وحبها للمشاهير
ياسلام لو شوفت ستار أكاديمي بقي والبنات اللي بتشجع ياجدعان كان في مظاهرات وإعلانات علي كل المنتديات ليه هل كانت المظاهرات دي عشان خاطر مثلا لا قدر الله
للقدس ولا حاجه أو لبنان جتك خيبة لو أفتكرت كده لا ده كان عن إنتخبوا قماح المصري وزيه كثير وكمان برنامج سوبر ستار وستار ميكر كل واحد يطلع يكاكي
والحلوة تسمع الأغنية كأنها ليها حرف حرف البنت بتشر رومانسية من ودانها الإتنين

ده لو قالوا للشباب تعالوا نعمل مظاهرة ولا رد فعل عشان الدنمارك كل اللي عملوه الشباب ( خمسة وخميسة عليهم ) الموضوع هو هو منقول بالحرف علي كل المنتديات
أهو يكون الواحد عمل اللي عليه عشان يلحق يخش يتعشي من الجبنة الدنماركي الجميلة وياعيني علي أقوي رد فعل ألا وهو الإستيكر اللي علي العربية
لا وتلاقي جنبه شعار تاني واحد واقف بيعمل زي الناس
أو شعار الحشيش مرفوع عاليا فوق الرؤوس
أو بقي واحد من الأخر كاتب فكك مني

وتعالي نشوف عم الرومانسية أسامة زفت منير مين ده ياجدعان الله أعلم البت من دول تطلع تحكي حكايات غريبة إيشي اللي باعت دهبها عشانه وإشي وإشي أمال لما كل دول عرفوا ولاد أمال الواحد يتجوز مين ( خليك قاعد جنب أمك أريحلك ياعم والله )
ويحكوا أسرار يابني الواحد لا يتخيلها وعلي الهوا بس هنعمل ايه بنات عقلها فيه نمل ولا مخلل مش مخ حتي من بتاع الشرقاوي بالسلطات بتاعته
وتعالي نشوف لو في إعلان عن مثلا كده يعني مثلا حفلة قريبة ولا فيلم رومانسي
ياسلام علي الطوابير اللي علي السينما ولا طابور العيش وكلنا فاكرين طبعا حادثة التحرش الكبيرة في وسط البلد
بسبب إن رقاصة مشهورة وهي دينا الراعي الرسمي لشعلة الشباب والرياضة بس
للأسف هي بتولع الشعلة بس مش بتعرف تطفيها
ومطرب محبوب وكام واحد قعدوا يتنططوا قدام الشباب التعبان وطبعا البنات كانت بتزاحم وانتوا عارفين ( الجعان يحلم برغيف العيش)
والباقي إتعرف
تعالي ياسيدي نشوف مثلا واحده من المشاهير لبست حاجه أو إستايل معين أو أي شئ
تلاقي البنت نسخة من البطلة في اللبس حتي لو المجتمع يرفض ده والمهم تبقي ترميني
باللي في رجلك لو إتجوزت واحده من دول وشوفت اللي هي بتلبسه ده لبستهولك في يوم داخل البيت وعند السجاد عض فيه
تخش غرفة النوم بتاعة الهانم
تلاقي صور الفنان الجميل مليانه علي الحيطان لدرجة إن الدهان مش ظاهر حتي وتلاقي
الاغاني هي هي مشغلاها يا أخويا وما تذاكرش غير علي أغني حبيب القلب
وتيجي المصيبة لما واحد بيتقدم لها تبتدي الرفض ليه يا أخوانا
لإن في دماغها حاجه واحده البطل الفارس اللي في عقلها الغني الوسيم اللي بيحبه الملايين واللي معاه الملايين اللي بتحبه الملايين
إتفرجوا بقي واحد علي مليون من اللي بيحصل

أنا عايز أعرف بس لو أبوها راجع من الحج ولا حتي
كان معتقل في غوانتانامو يعني بعيد أوي بقاله
مده بقي ووحشاه أوي هتحضنه كده بس ده سؤال
ومش عايز إجابة لأن الغلط علي اللي ربي
وفاكر بنته مفيش زيها في بنات حوا
يعني أنا عايز أعرف هي ضحكت عليه ولا خرجت قدام البأف
من البيت وواضح طبعا يعني من الصورة إن الحفلة بعد صلاة الجمعة
يعني في عز الضهر لا دي في عز الليل واللي يعرف اللي بيحصل
في الحفلات اللي كله بيكون كله واقف دي فيها أيه
هيعرف أنا قصدي أيه زي حفلة منير اللي كانت في الهرم اللي
حصلت فيها الحادثة الشهيرة مش أحكي مواضيع
بس يكفي كده وكل واحد يخلي باله من بيته وعيالة
لأن ولادك ماتفتكرهمش صغيرين ولا لسه قطط مغمضه
أقسم بالله أنا جنب بيتي سنترال بسمع فيه بلااااااااااوي من بنات
صغيرة بس ياصاحبي لا مش صغيرين فخلي بالك
وحابي علي عيالك وخلي بالك من الأصحاب
هما اللي يودوك ورا الشمس أو يخلوك إنسان محترم
اللهم بلغت اللهم فأشهد

دي بنات ياعم كلها ( تيييييييييت)

بس هو اللي أنا عايز أفهمه الواد بن ( تيت ) ده
بيستحمي بالمسك والعنبر وإحنا بنحك جسمنا في الحيطة
ولا يعني هو لامؤاخذه بيطلع مسك وإحنا بنطلع ( تيييييت)
ولا يعني معلش يعني جاب كام مليوم شاب شغلهم وإحنا قلنا لا
أهو الواد ده في نظري خسارة فيه الأكل مش العربية الهامر الهدية اللي
جايبهالوا أميره عربية وإنت ياولداه لو حفيت مع البت بتاعتك
أخرك سلسلة مفاتيج ولا دبدوب ولا إزازة هوب هوب أو أسانس شادية
ودي أعلي روايح دي حتي أعلي من ريحة ليالي الحلمية
طبعا بعد ده كله ليا طلب أخير أوعي حد يفهمني صح دي كلها إشاعات
وزوبعة في برطمان
ونقابلكم علي خير بإذن الله
والسلام عليكم