أنت والموبايل
ترددت كثيرا قبل كتابة هذه الحلقة لأني عارف واحد هيطلع يقولي الناس أزواق وإنت مالك ياعم خلي الناس تعيش براحتا أهو ده اللي لا بيرحم ولا اللي يخلي رحمة ربنا تنزل ( الجملة دي تخالف العقيدة خلوا بالكم)
المهم بقي نييجي لصلب الموضوع أنا مش هكلم في الدين بس غصب عننا هتلاقوا برضك الدين فيصل في هذا الموضوع
تقولي إزاي يامولانا وهتبدأ تريقة أقولك بص ياسيدي
تعالي نشوف الموبايلات وأنا هكلم عن الموبايلات هنا في مصر بس ولكن مش
هقدر أمسك نفسي وهضطر أكلم برضك عن الموبايلات في دول الخليج .
نييجي أولا لبلدنا العزيزة مصر
ماسألتش نفسك يوم في كام موبايل في البلد دي طيب في المحافظة دي
طيب في المنطقة دي ياسيدي طيب بلاش في العمارة دي
طيب بلااااااااش في بيتكوا في كام موبايل
وخد بالك من السؤال المحرج ده
كل شخص معاه كام خط إنت نفسك معاك كام خط
إسأل نفسك وجاوبني
ها…….. سكت ليه مش قادر أجاوب
طيب سيبني بقي أرفع الإحراج عندك وأكلم عن الموبايل
طيب أيه هو الموبايل وأيه الغرض منه لازم نفهم كويس ومنبقاش شعب إمعة
ينساق كالبهائم ورا كل شيئ يزغلل العين
كان أول ظهور للموبايل ده كان في الإستخبارات المهم سيبكوا من التاريخ
دلوقت إنت محتاج الموبايل ليه أقولك
عشان أعرف البنت بنتي فين صاحبي فين لو حد عايزني يلاقيني
أقولك أنا معاك والكلام ده مهم بس
هل ده يستدعي حضرتك تجيب جهاز موبايل؟!
ب 4650 وفي أغلي من كده كمان هتقولي المظهر الإجتماعي
أقولك يا خي يلعن أبو المنظرة اللي ودتنا ورا
مين أولي بفلوسك دي البيت
ولا الموبايل طيب الموبايل ده بيصرف قد أيه في الشهر ياعم الأمور
طيب بيت سعادتك بيصرف قد أيه علي الموبايلات من شحن وإلخ
جاوب وحاسب نفسك قبل ماتقول مش لاقيين نأكل وتعلق كل شيئ علي قفا
الحكومة ماهو البركة برضك في قفاك يساع من الحبايب ألف.
وأسوأ شيئ في الشعب برضه إنك مفيش شخص في مصر
كلها معاه شريحة واحدة
أنا أعرف ناس معاه 3 خطوط من ال 3 شركات
كلهم يقولك عشان أستفاد من أي
عرض تقدمة أي شركة طيب ده كلام
نييجي بقي للعادات الزبالة اللي بنشوفها في شعبنا المصري ياعم مع الموبايل
- تلاقي واحد فكهاني صعيدي قفل ماسك جهاز غالي جدا وداخل عليك كده
وبيقولك لو سمحت يا أخ ممكن تطلب لي كذا هتلاقي رقمه متسجل علي الجهاز
ممكن ولا لاع ( لعلمكم حصلت معايا ماشي!!!!!) طيب جايب أبوه ليه.
- برضك تلاقيك راكب مواصلة ولا المترو تلاقي واحد مشغل الأغاني ومعليها
قال يعني الواد معاه العده الجباره ( عاملها عند الخراط عموله)
- لا وكمان تلاقي واحد شايل عدتين معاه ( يعني جهازين) ماشي
وييجي يقولك معاك كريديت يابرنس أرن بس أو يبقي سئيل
ورخم ويقولك دقيقة بس يابرنس
- واللي زاد وغطي يا أسيادنا السماعة البلوتوث أخ منها تلاقي يا أخويا الواد
عامل نفسه الواد البسبس مان (دلع بزنس) وماشي رازع البلوتوث في ودنه
وخلاص الشركة هتبوظ من غيرة والأسهم وقعت من فوق السطح والمهم
تلاقيه بالمنظر ده ومتشعلق في الأتوبيس
وأقسم بالله كنت في يوم في العاشر من رمضان لقيت شخص أجري
عامل باليومية يعني رازع سماعة بلوتوث في ودانه وقاعد علي
الرصيف مستني رزقة تخيلوا
- وكمان تلاقي واحد شايل جهاز ب 7000 جنيه وراكب المترو طيب حضرتك معاك
الجهاز ده طيب راكب المترو ليه سعادتك طيب هل إنت عارف إمكانياتة
- وكمان تلاقيلك واحد ماشي بأكثر من جهاز وحاطط في كل جهاز خط والمهم إنه شاب
لسه في أول حياته طيب ليه كده
- طيب شوف كده أول ما بينزل أي جهاز جديد أيه اللي بيحصل الواحد لو هيبيع
هدومه ويشتريه هيروح يشتريه وخدوا المثل ده واحد حكاه ليا
واحد راح إشتري موبايل النوكيا الجديد ال n95 8G
ماشي المهم فرح بيه يومين والتتبع والكلام ده طيب وإتقفلت في مصر وممنوعة
وكده بقي موبايل عادي طيب أيه لازمتة حضرتك دلوقت بقي
أخرته ألو وشكرا
طيب ياعم يامصري ياللي بتشتكي من غلو الأسعار سعر كارت الشحن ده واللي
سعره بيبقي أغلي من اللي مكتوب عليه مش إنت أولي بيه طيب علي سبيل المثال
2كيلو لبن للبيت ولا كارت بعشرة جنية
والمهم إن الكارت أبو عشرة جنية ده زي الدخان بيتبخر مابيقعدش يوم حتي
سبحان الله
ونييجي بقي للمصيبة الكبري
ده أغلي موبايل في العام وثمنة 1.33 مليون دولار
الموبايلات بالألماظ والذهب ( إيش تجول ياخي)
ودي للأثرياء والأمراء لإنهم لا يتساوا معنا نحن البشر
وكمان لن أنسي الأرقام المميزة تخيلوا أرقام تليفون توصل 100 ألف جنيه
طيب ليه يعني
وكمان لو تفتكروا أول ما إتصالات قالت إحجز رقمك من علي النت
إقسم بالله لم أري أحد إلا لما كان بيتكلم في هذا الموضوع وإنه فرحان
إنه إختار رقم سهل وهو أصلا معاه موبايل
طيب مش دي هيافه بالله عليكم
طيب نييجي بقي للإستنتاج اللي طلعنا بيه
إن إحنا بقينا أكثر الشعوب إستهلاكا في العالم للتكنولوجيا وكمان تعالي شوف
كمية محلات الموبايلات في مصر أقسم بالله أنا كرهت نفسي من كثرة هذه المحلات
تلاقيهم مرصصين جنب بعض ونفس اليفط والعروض
ونروح بعيد ليه شوف المهازل في منتدي الطلب والعرض في قسم الهواتف النقالة
وهتعرفوا رأيي ممكن كمان تلاقي هنا أعضاء التوقيع بتاعها صورة الموبايل
أو الصورة الرمزية هي صورة الموبايل اللي معاه
يعني من الأخر شعب هايف
ليه بقي مصرين يا مصرين ومصممين تقليد عيوب الغرب وترك المميزات
طيب عندنا موبايلات ماشي طيب هل شوفتوا أميركي واحد فقط أو أوروبي
عنده أكثر من جهاز موبايل وخط وده تحدي وحاسبوا نفسكم وواجهوا نفسكم
بحقيقة الأمر عشان تفوقوا .
أرجو إن يكون الموضوع ده بمثابة قلمين نفوق بيهم من الوهم اللي مغرقنا
