لا أعلم من أين أبدأ فكلكم أو بعض الزوار قرأتم
قصة أخ لنا في قصة زواج ملتزم والذي فرحت له
كثيرا عندما علمت إنه أخذ أرض في “إبني بيتك” وبس ياسيدي
أخذ يوصف لي مدي سعادته بها وأن مش عارف يقولك كل
واحد ليه طن حديد هدية مع إني مش مصدق لسبب بسيط
لأن الحداية ( عز) مابتحدفش كتاكيت
ولكن من كام يوم يا أخوانا كده سمعت أصوات عالية تأتي
بأنباء عن ” إبني بيتك ” وإن الشباب الأن بيضحك عليه
وطبعا لو سألتوني هي الحكومة بتعمل فينا كده ليه
هقول لكم بصراحة إن هي بقت عاده إن الحكومة
ماتخليكش مرتاح ولو ثانية عشان ماتفكرش غير
في أكل عيشك وزي اللي قالك قبل كده
إبعد عن القضايا لا تتبهدل ياضنايا
وطبعا دي سياسة يهودية بيور ( يعني من غير إضافات)
طبعا زي ما أحنا عارفين لو اللي بيشوفوا مسرحيات
مسرحية تخاريف بتاعة محمد صبحي وهي مانحن فيه الأن
أمنية التسلط
لسئيل بن منافع
وبما أن الشباب المصدوم فوجئ بأرض الواقع
وأنه لا يوجد شيئ إسمه الأم الحنون ( اللي هي الحكومة ) فعلا
زي ما قال خال صالح في عمارة يعقوبيان
الشعب فاكر الحكومة كأنها أمه اللي ولدته
وطبعا بعد هذا الكلام أنا مش بقول
مصر هي أمي
لا
دي مرات أبويا
تابعوا بإذن الله حلقات ومتابعات
هذه الأزمة والتي لن تكون لها نهاية
وسيبقي الوضع كما هو عليه
