إزاي أعرف إن إبني بيشرب مخدرات ؟!

Posted: سبتمبر 6, 2008 in مخدرات
الوسوم:
السلام عليكم ورحمة الله وبركاته
وكل عام وأنتم بخير
أنا بقي النهارده بكتب عن موضوع خطير جدا
وعارف إن الشباب هتكرهني بسببه وتقول ليه ياعم بس الأذي ده
لكن والله عشان مصلحتك لأنها فاكرها حاجة كويسه
الحشيش اللي إنت بتشربه ده مش هو الحشيش بتاع زمان
اللي بتتحجج إنه كويس ومابيعملش حاجه
لأ الحشيش دلوقت كله كيماويات وبلا أزرق
يعني ممكن يحصلك
overdose
من شرب الحشيش وماتستغربش
يعني ممكن تروح فيها
والموضوع ده كله موجه لكل أولياء الأمور أو الأخوة الكبار
اللي بيخافوا علي أخواتهم عشان يعرفوا إمتي يدخلوا
المهم ياسيدي الفاضل نييجي لمرجعنا وهو
إزاي أعرف إن إبني بيشرب مخدرات ؟!
�شيش

حشيش

1- الفلوس
هتلاقيه بيطلب فلوس كثير مره عشان كتاب ومره عشان مشروع
في الكليه بص عشان تعرف صدقه كل ما يطلب منك فلوس تعالي بعدها بإسبوع كده
وقوله ها فين الكتاب اللي جبته بس يوريهولك في ساعتها مايقولكش بكره هجيبه
والمشروع كذلك يوريك ورق ليه أو حاجه عشان ممكن يدبر الحاجات دي من زمايله
2- الصحة
صحته هتكون في النازل علطول يعني شكل علي الفاضي من الأخر وفي
ناس بيبان عليها إنها بتحشش لأن وزنها بينزل بطريقة كبيره جدا
وبشكل ملحوظ وتلاقي فعلا لونه مخطوف

3- المنظر الخارجي
وده من أهم الصفات بص ياعم هتلاقي شفته لونها إغمق وعمال يغمق
بص بين الصوباعين بتوع ماسكة السيجارة
والسنان شوف اللون بتاعها أكيد بيغير بس ممكن بيكون حويط ويغسلها
العين بتبقي حمرا بس خلاص لقوا طريقة بيستخدموا قطرة بريزولين
ولو لقيتها علطول مع إبنك إعرف إنه بيشرب من الأخر
تحت العين هتلاقي المنطقة بتبقي في لون بني أو قاتم بيزيد

4 – قلة التركيز
هتلاقي مستواه في الكلية زفت وقطران وخلي بالك في محششين برضك
مستواهم العلمي كويس بس في ناس تقولك نصطبح قبل المذاكره أو الإمتحان
عشان الحشيش بيزود الذاكرة ودي أكبر كذبه بيتتداولها الشباب بينهم وبين بعض
وأوعي تخليه يروح يذاكر مع واحد صاحبه ويبات معاه أه يروح يذاكر
بس مايباتش عنده ولما يرجع فاجأه وشوف منظره كويس
وإسأله عملت أيه

5- المكنه
ده بقي ياسيدي المكان اللي بيتحط فيه الحشيش سواء ربع أو تمن
بس خلي بالك بيبقي في أعلي حته عشان يبقي بعيد عن العين
وما يطحتش علي الأرض عشان مش الكل يشوفه
وممكن حتي يخبي المصلحه في الكمبيوتر نفسه
جوا الكيسه

6- التبه
دي ياسيدي حته في علبة السجاير كده هتلاقيها مختفيه
بيتعمل منها الكارتيلا بتاعة البتاع

7-  الحمام
ممكن برضك تلاقيه طول أوي في الحمام
يعني بيتعامل في الحمام أو ممكن يشربها في الحمام ويفتح الشباك ويستحمي
الريحه هتروح علطول أو ممكن يتعامل في الحمام ويطلع يشربها في أي حته بقي

8- الشله والأصحاب
دي أكثر حاجه بتضيع الشخص عموما هي الشله الفاسده وشلة الصياعه
هو فاكر إنهم رجاله وجدعان مادام بيشربوا مع بعض
لكن اللي ميعرفهوش إن هما أصحاب طبليه أو أصحاب كيف
يعني مش رجاله ووقت الشده مش هتلاقيهم

9- هتقضي
هتقضي دي كلمه بيقولها لما يعوز يروح يجيب الحشيش يقول نقضي منين
أو عايزين نقضي خلي بالك من الكلمة دي يا حاج
وماتعملش نفسك مفتح
10 – الأكل
ساعات لما الواحد يصطبح بتبقي طالبه معاك ضحك تهيس أو حتي أكل
ممكن تلاقيه فضل يأكل أكثر من عادته ولا حاسس باللي حواليه
ماهي طالبه أكل برضك ومش هيبطل أكل ولا هيفصل وهتشوف

11- البفره
ورقة البفره في منها نوعين
الزجزاج وفي أوتومان المنتشر في أوساط المحششين هو
بفرة أوتومان

12- بيرول ( اللف )  خلي بالك
بص ياسيدي لما تخش أوضة إبنك شوف لو في سطح أملس
زي مرايه أو الكارنيهات مثلا وورق هتلاقي عليها بواقي تبغ
أو ريحة حشيش أو تبغ وماتبصش علي البطاقه لأن هو حويط
مش هيقطع بيها أو عليها وبص في محفظته برضك ممكن تلاقي
وشوف لو في معاه قطر أو حتة موس شمها برضك

دبوس
13-  طرق الشرب
بص ياعم عشان ده مهم جدا في طريقة الكوبايه دي دي طريقة مهمه
يعني لو مسافر وإبنك لوحده لما ترجع كده شوف الكوبايات برضك
وعندك طريقة الغرقانه المهم شوف لو في عندك أزايز بلاستيك ومقطوعه
نصين أو الحته اللي فوق أعرف إنه بقي معلم

————————————————-

دلوقت هو ده اللي أقدر أقوله ولو في جديد سيتم بإذن الله التعديل
وعمل تحديثات في الموضوع كل ما يأتي معلومات جديده
هتستغربوا أكيد جاب منين المعلومات دي
أنا أحب أعرفكم حاجه عني
أنا لا عمري في يوم شربت سجاير ولا حتي حشيش
وليا أصدقاء كثير بيشربوا
وفي منهم كثير حطوا رهانات علي إنهم يخلوني أشرب
والحمد لله هما بطلوا والحمد لله ماشربتش ويكفي إني أقول
إني كنت في هندسة وطوال الدراسة زمايلك كلهم بيشربوا
المهم إنت من جواك أيه إنت ممكن تغير في اللي حواليك
بس لو إنت صح وماتخليش حد يغير فيك لو هو غلط
يعني أنا بلعب رياضه الحمد لله وصاحبي دلوقت
شديته لطريق الرياضه بعد ما بطل سجاير وحشيش
وخلي بالك صاحبك هو اللي يساعدك إنك تكون كويس
مش الصاحب اللي يديك الحشيش ويقولك لازم نعمل معاك واجب
ده مش واجب ده يبقي عايز يدمرك

وبإذن الله المره الجايه هتكلم عن المخدرات برضك
وإزاي تعرف إن إبنك بيضرب نوعين من المخدرات
الحقن والكيميا أو الكيميكال

About these ads
تعليقات
  1. احمد قال:

    الموضوع جامد جدا جدا بس انت نسيت اهم حاجه ممكن بيها تعرف اذا كان ابنك بيشرب ولا لا انك تبص على محفظته لو كان فيها بقعه لونها بنى من اثر استخدامها كوفر لكوبايه الحشيش ولو كان حويط و محفظته لونها غامق يشمها ولو بيشرب هيكون فيها ريحه دخان
    ..اي خدمه..

    • غير معروف قال:

      دة اللى كنت هقولة مساء الفل يا ابو
      حمييد

    • منه قال:

      عاادى ياجماعه انا عندى عشرين سنه وبشرب حشيش بقالى تلات سنين المشكله ان احنا ادعودنا عليه والاخ الا عمال يحظر الحاج ده اقسم بالله اكتريت الا بيشربه حشيش بتكون الاهل هما السبب فى الا احنا فيه الوحده مننا بتشرب علشان تنسا اقسم بالله بنات مصر كلها دلوقتى بتشرب حشيش

  2. المريد قال:

    اللهم احفظ ابناءنا وبناتنا من شر هذه السموم

    وقبل كل شي لا ننسى انها حرام .. ومستخدمها هي عاصي لله تعالى

    وليس فقط من يستخدمها

    وانما كل شخص يساهم في نشرها وتوزيعها والتعريف بيها ونقلها وشراءها وبيعها

    وعذابهم عند الله تعالى عظيم عظيم عظيم

    الله يحفظنا وجميع المسلمين يارب

  3. عبدالرحمن قال:

    لأ الولد كويس بس انت المهم تديلوا الثقة وهو حيتعدل

  4. me قال:

    الف مسا عليك ياريس شكلك حشاش قديييييييييييييييم
    على قديمو

  5. تيمونة قال:

    بصراحة اللهجة المصرية صعبة مفهمتش حاجة …
    الموضوع مهم جدا
    اصلي بشك بابو العيال
    وعاوزة اكشفو
    بس مش حعرف دي سيجارا والا حشيش
    والريحة مش حعرفها

  6. غير معروف قال:

    الله يخرب بيت اللى كتب ها الموضوع
    علشان المحششحين الصغار زمانهم بيدعو عليه

    وعلى فكره والله الحشيش بيساعد على المزاكره وبتكلم كلام مبنى على التجربه … وانا محشش من الثانويه ولله الحمد فى صيدله دلوقتى يعنى مش كله … وابقى سلملى على الترماى علشان ما بقاش فى حد اهبل دلوقتى كل الاباء عارفين بس هايعملو ايه امر واقع ……..زز

  7. حسن وعمر قال:

    بسم الله الرحمن الرحيم
    مع كل نفس حشيش او سيجارة عادية بنهدم فيها امل حياتنا للوصول الى حياة الخلود ولية دايما بنكرر اسفنا مع نفسنا لان اعتزارنا كان دايما مرفوض قمنا وحبينا ان يكون لينا وجود خبينا على روحنا اليوم الموعود وفشلنا بردوا كان محدود

    (000000000000000000) الرقم لي جربو الحشيش

  8. حسن وعمر قال:

    ( بسم الله الرحمن الرحيم)

    (والله يا اخوني ان الحشيش لا يفيد)
    في معنى الحياة امد موجود مصاحبه امل ودود لان كان دايما معاه موجود فى الزهد هو المقصود والعلم قلم مرفوع عن الوهم ووهن الموضوع اللى صوته فى الكل مسموع ودمعة شاردة على ضئ الشموع وامنية فى القلب للوفاء بتبوح وحب عن حب بالجفا موعود عن الكره للاذى شئ مشحون لغيث المراد المولود

  9. غير معروف قال:

    الله ينور عليك أرجو التواصل

  10. مصطفى المصرى قال:

    نقطة هامة جدا ونصيحة للكل اول طريق الفوقان الابتعاد عن اصدقاء السوء ونقصد بهم هنا الاخوة المحششين بغض النظر بقى عن مستواه الثقافى والعلمى والاخلاقى فهو صديق سوء يجب الابتعاد عنه اوعى تقولى ده كويس واخلاق ومؤدب بس بيشرب وانا واثق من نفسى وممكن اخليه يبطل اوهام ان لم تجعله يبتعد اقتربت انت الى حافة الهاوية فالابتعاد عن كل شخص بيشرب ومحدش يقول طب ازاى والشباب كلهم بيحششو
    ومفيش شاب مش بيحشش
    حقول كلمة الشيخ محمد حسين يعقوب هما كلهم شبهك كده
    طبعا لانك مش شايف ولا تعرف غيرهم بتفتكر ان الشباب كلهم كده بيحششو لا طبعا فيه شباب كتير جدا عمرهم ما شربو سيجارة حتى
    وشباب زى الورد افضل مليون مره من الصاحب التايه فى كباية والمسطول من برشامة شباب ضايع فى اوهام المخدرات ربنا يهدى الجميع سؤال لكل واحد بيشرب مخدرات قارن حياتك قبل وبعد وانت تعرف الفرق والضياع اللى انت فيه بس قف مع نفسك وقفة بجد وشوف حالك وصل لحد فين وشوف وانظر الى اى شاب لا يتعاطى المخدرات وشوف حاله وقارنه مع حالك مش انت مكسوف من نفسك

    • shamlolawe قال:

      أنا الحمد لله عمري ما شربت عود بخور حتي مش سجاير
      لأني مقضيها رياضه وبس ولعلمك ممكن إنت اللي تأثر في صحاب السوء مش هما اللي يأثروا فيك
      يعني إنت اللي ممكن تصلح من أمر صاحبك

  11. ramyyyyyyyyyyyyy قال:

    انا عايز اعرف انتا خبره اهو يعنى اكيد بتشرب

  12. هيروووو قال:

    والله يا جماعة انى الحشيش دى حاجة مفيده ومعرفش استغنى عنووووو انا من شبرا يا شباب ونتو عرفين شباب شبرا

  13. هيروووو قال:

    بس برضيك اشكرك على الكام الجميل الانتا بتقوووولووو
    يمكن الواحد يبطيل وشكراااا برعاية انكل هيرووووو
    hero الـ ـ ـ ـ ـ ـفـ ـ ـ ـ ـ ـتـ ـ ـ ـ ـ ـى الـ ـ ـ ـ ـ ـذهـ ـ ـ ـ ـ ـبـ ـ ـ ـ ـ ـى hero
    وشكرااا

  14. mixiky قال:

    انا بكلمك دلوأتى وانا بردك متنيل وكلامك كلوو صح ومية مية وانا عاف كدا بس بردك بحب اتكيف

  15. خالد قال:

    شكرا علي النصائح الغالية
    ولكن انا لاحظت ان الالفاظ بتفلت منك كتير
    وفي مواضيع ملهاش لازمة عليها كلام كتير جدا خصوصا موضوع معهد الحجاز اللي خضني من كتر الكلام عليه
    يا اخي بلاش الشتيمة في الناس علي الفاضي اللي عاوز يمشي عدل مش مستني حد يشده من ايده

  16. wa7ad قال:

    يا جماعة ما في اشي بالدنيا احلا من الحشيش و عنا مش مثل مصر يعني الواحد لما بدو سيجارة بدو يلف الكرة الارضية يا سلام عأم الدنيا و حشيش أم الدنيا

  17. الي كتب الموضوع
    معلم معلم معلم

  18. shamlolawe قال:

    الله يخليك ياعم العنكبوت ده أنت اللي معلم

  19. shamlolawe قال:

    ياجدعان أقسم بالله العظيم عمري ماشربت الزفت ده أبدا
    لأني أصلا مقضي حياتي رياضه بس
    ولعلمك والله كثير ناس من اللي أعرفهم حلفوا لي بأنهم هيخلوني أشرب
    بقوا دلوقت معايا في الجيم وبطلوه وفي منهم رجع له تاني
    بس من الأخر أنا أثبت لهم إني اللي إتحكمت في نفسي وماخليتش الحشيش يتحكم فيا

  20. السلام عليكم انا شاب من السعودية من جدة خصوصا وهادي قصتي احنا عندنا الحشيش كتيير ولي بي يحششو كتييييير وانا كنت منهم اول ما بدات قصت الخراب بتعتي كانت في مصر كنت عايش هناك با ادرس مع اخويا الكبير وبي الضبط في مدينة نصر اتعرفت على زملة هناك وبقيت اشرب حشيش واشتري بخمسين وي بي مية وشوية بقيت اشتري بلاطة واشرب وادي زميلي واتعلمت الخوابير واللف في مصر وبعد ما رجعت السعودية نزل وزني كتيييييييييير حوالي 20 كيلو وشكلي اتغير خالص وبعدين في السعودية حبيت اني ابقى معلم وبقيت احكي صحابي عن الحشيش في مصر وبتاع والنوع وكدا يعني واحد من صحابي قلي يا عمي انتا مشفتش حاجة انا استغربت وحسيت نفسي صغير اوي ووراني حتى تقي بتاع خمس جوينتات بنسميها عندنا ابو خمسين وبقيت اشرب واعمر دمغي وعايش حياتي زي اي واحد فينا يا شباب والله العضيم جاني يوم وانا راكب العربية بتعتي وكنت لسا جايب حتلى بي 500 ريال وفرحان وحا اعيش شوية لاقيت لاجنه عندنا بنقولاها تفتيش مع الربكة الي انا كنت فيها اول مرا تحصل معيا انا كنت بشرب في الشارع قدام الناس ولا حد يهمني لا كن اول ما شفت التفتيش معرفش اية الي حصل الضابط قلي اوراقك وانا كانت عنيا حمرا وكنت برتجف من الخوف قلي انزل من السيارة قلي ليش ترتجف قلتلو مافي شي قلي اوقف هناك جمب السيارة وقفت هناك وهوا فتش السيارة لقى حتى بي خمسين قلي اية دا قلت في قلبي حشيش يا اهبل انتا مش شايف قلت ما اعرفش قلي فين باقي النكس يعني الحشيش قلتلو مفيش بس دا قام مركبني العربية بتعتو الشرطة وجم شرطة كتيييييييير ورحت على قسم مكافحت المخدرات واتبهدلت اخر بهدلة وصور كاني مجرم كبير وبصمات وكان عمري 18 سنة بس وكل الي جوا بيعين كبار واشناب وسكرانين وبتاع بس اتصلو على ابويا جا وقلولو على المفاجئة الي اول مرا اشوف شكل ابويا كدا بس واتبهدلت في السجن 5 ايام بس مرو عليا كانها خمس سنين اشوف النور معرفش الساعة كم ولا اي حاجة واكل ما بكلش مليش نفس وحلقو شعري زيرو كان شعري طوييييييييييل اوي بس وخرجت بي كفالة بعد ما خرجت حسيت نفسي عريس وانا خارج حسيت اني مبسوط وخلاص حا اخرج وبعد ما خرجت ابويا كان مبسوط انو شفني وكل حاجة حتى انو اداني سيجارة قلي شكلك مرا خرمااان هوا كان عارف اني بشرب سجاير بس يا جدعان عليا حكم شهر بي الواسطة من غير جلد ولا منع من السفر والحمد لي اللة مرجعتش لي الحشيش تاني بهزر دنا كل يوم بشرب لغايت دلواتي وانا بكتب الرسالة دي دا الجوينت مولع بس القصة دي حصلت معيا بجد بعد كدا عرفت اني اكووووووون حريييييييييييييص جامد عشا ميقيش ابويا ولا حد من الناس يمسك عليا حاجة سلاااااااااااااااام وشكرا

  21. غير معروف قال:

    الدنيا خربانة

  22. بيرو قال:

    على فكره انت واحد ضريب ولسه بتضرب ومش كاتب عشان النصيحه انت كاتب بتتسلى يا حته لايحه يا سيجاره شالحه اظن دى مصطلحات مش اى حد يفهمهاااااااااااااااااااااا ها ياعم الضريب بس اوعى تكون لسه بتروح
    او حد بيستلمك ههههههههههههههههههههههههههههههههههههههههههه

  23. hamad قال:

    مــــــشكور …….
    انا نسيت كمان طريقة الإعدام والدبابيس بس دي في الخفيف ميعملهاش الا الواد في بداية الطريق
    علي فكرة ممكن الواد يقضي مع اصحابه ويصطبح ويروح البيت من غير ما يكون معاه سجاير ولا اثر لاي حاجه بيتخارج معاهم وبس
    دي بقي تعرفها منين ؟؟؟؟ لما ابنك يتاخر في الخروج وانت شاكك فيه اتصل بيه علي الموبايل واطمن عليه وادخل معاه في حوارات ولو لقيته بيرد كويس والكلام مترتب كلمه كمان ساعه لانه ممكن يكون لسه ما اصطبحش

  24. محمود الاسمر قال:

    ss

  25. اوسساولا:شكرا على المعلومات الجميله
    ثانيا : الى بيشربو عرفين كل الاحتياطيات اللازم اخذها مش هاقولك انا مش بشرب انا كنت بشرب وبطلت بس فى حاجات كتير غير القطره والكلام ده كله فى طرق غير الغرقنه زى الكنشه التكريز ديه بص
    ثانيا:

  26. عزيزي لم تذكر السلوفانه والمعسل والدخنه
    وهي أهم الأنواع على الإطلاق وأكثرها جمالا وروعة
    الحشيش غذاء الروح
    والجيم بتاع العقل
    وتحيه لأبو رشاد وعم صبحي الطوخي وعم رجب الطوخي
    والجنرال محمد فكري الخولي

  27. حشاش قال:

    على فكرة كل اللي انتا قلته دة بنعرف نتعامل معاه عادي
    و عاملين حسابه

  28. الجنينى قال:

    المهم من الكلم دة نقلع بيى @@@@@@@@@@@@ ولا حاجة الناس بش هتبطل شرب الحشيش حتى الاطفل بيشربو حشيش فى دة بقى امر واقع

  29. بص يا حبيبي كل الكلام اللي انتا قلته ده قديم كيك انا بشرب ليه 8 سنين وعند اب ميعلم بيه الي ربنا كل اللي انتا قلته كان بيعمله معايا بس اللي يعرف يمسك حاجه عليه يا حلو غير كده ي حاجات كتير انتي معتقدتش انك شوفتها او سمعت عنها اللي هيا الماسوره او الكاساو المعلقه او الكنشه اعتقد انك لسه صغير ومعتقدتش ان في محشش بالغباء بتاعك يا قمر واحب اقوال لكل المحششين مساء خاص للغالين معطر بالبانجو والكوكين بنرسله بس للحلوين نقولهم حشيش مش لقين ومدم انتم بخير احنا كده كويسين وعجبي

    • shamlolawe قال:

      إنت كده جميل وواد قمر وعسول وخطير وياخراشي عليه محدش قادر عليه
      يا أخي احا
      اللي زيك مش عارف يرفع رجليه من الأرض
      جسم من غير صحه

  30. حشاش قديم قال:

    علي فكره يا جماعه انا كنت بشرب مخدرات في شقتي الي هتجوز فيها وكنت كل ليله اجمع اصحابي ونعمل دماغ بس انتو عرفين ايه الي حصلي في مره من ذات المرات كنت بحشش مع صحابي بس مش في شقتي كان في بيتنا بيت العيله وكانم كلهم مسفرين يعزو في وحد قريبنا مات وانا كان عندي دراسه ومينفعش اروح معهم المهم اتصلت بصحابي وجبتهم البيت وقعدنا نحشش المهم اخدت شده من الدبوس حسيت اني صدري كتم عليا المهم اخدت الشده التانيه لقيت صدري كتم عليا اكتر وبدات ضربات قلبي تزيد حصلي ارتفاع في ضغط الدم والدوره الدمويه عندي كانت هتنفجر المهم حسيت اني خلاص روحي بتطلع وانا خلاص هموت اول مكان روحته هو الحمام وقلعت كل هدومي وبدات اطهر نفسي وسئلت نفسي انا لو قبلت ربنا هقبلوه ازاي وانا شارب حشيش ومش طاهر ونجس وانتم عارفين الي بيموت علي شياء بيبعث عليه المهم بدات اغسل جسمي بلميه واتمني من ربنا انا متكنش دي نهيتي اني اموت اوفر دووز وفعلا ربنا استجاب دعائي وبدئت ارجع لحالتي الطبيعيه وطبعا اصحابي كانو بيكملو شرب حشيش ومحدش اتهز من الي حصلي قدمهم طبعا قلتلهم كفايه كده حرام عليكم انا هموت قدمكم اتعظووو بقي وقلتلها اخروج من البيت انا حاسس اني ممكن اموت في اي لحظه وطفيت النور ونمت في اوضتي منتظر الموت انه يجي ولاكن الحمد لله ومن اليوم ده وانا مش بشرب مخدرات والما بشوف مخدرات فبي المكان الي انا موجود فيه بسيب المكان وامشي ……..ياريت كل وحد بيشرب مخدرات يفكر ايه الي ممكن يحصلوه او ان ممكن دي تكون النهايه ويموت علي معصيه

  31. غير معروف قال:

    الكيف لي حكمه ولي ذله وكل ليله مع الشله

  32. والله يا جماعة الرجل دة فاهم بس الكلام اللى بيقولة كلة عرفة وعلى فكرة الموس ممكن يعينة ورا بطارية الفون واللى بيحشش ممكن يذاكر عادى وممكن يكون بيشرب عشان ينزل ف الوزن عشان الحشيش بينزل جاااااامد وممكن يكون بيحشش زى اللى ماشى معاهم عشان يبقى زيهم بس مبيشربش سجاير وكمان فى سكوتش منت دة نعناع شديد عشان الريحة وفى معجون للسنان عشان متسمرش بس دة كل اللى عندى انا عمرى ما شربت سجاير بس حشاش قدييييييييييييييييييييييم

  33. معلم يامان ده الحاجات كلها ما يقولهاش الا بيكون قاعد فيها يعني يامعلم من الاخر ان كنت تحشش ويمكن بطلت بس لا تقول انك ما حت دنت مش مخلى طريقه الا كاين فيها واي عرفك وين المحشش بيخبي وكيف بيعمل وكيف بيشرب بيس يامعلم

  34. shamlolawe قال:

    والله ما شربت حشيش قبل كده يا جدعان ابدا في حياتي

  35. FreeCo,OL قال:

    اسكندرانى دا برنس والنعمه

  36. غير معروف قال:

    اقطع دراعي ان مكنتش حشاش

  37. اسكندرانى قال:

    يا عم حد منعك تحشش عيش حياتك و رقو دماغك زى ما انت عاوز بس متشتمش الراجل هو ذنبه انه بيعمل حاجة كويسة يعنى
    هو انتوا لا ترحموا و لا تسيبوا رحمه ربنا تنزل لا حول ولا قوة االا بالله

    و انت يا عم الكاتب الطرق دى قديمة قوى قوى انت مشربتش بقالك زمان ولا ايه عموما واضح انك ناقل الموضوع لانى افتكر انى شفته قبل كده

    و بالنسبة لقصة الحشيش بيخسس ما اظنش الكلام ده لان لو كده كان زمانى اختفيت من زمان و كمان للاسف هو فعلا بيزود التركيز بس ثوانى نفهم ازاى …. المخ طبيعى بيفرز حاجات تساعد العقل على التركيز و لما بنشرب بنعطل عمل الخلية اللى بتفرز فى المخ و مع الوقت بتعطل الخلية تمام و لما بنطل هتلاقى تركيزنا قل عن الاول لان الخلية ماتت من كتر اهمالها و معادتش بتفرز تانى

    و ده شىء شبه لاحظتة مع الضرب تركيز عالى جدا و خيال مافيش ابعد منه و انت فايق شايف الامور على طبيعتها اللى خلقها ربنا و عقلك اللى اداهولك بمعدل التركيز الطبيعى بتاعه

    قصة بقه الادوات اللى الاخ بيقول عنها مضروبة عارف ليه لان ممكن ببساطه احشش فى عليه سجاير فاضية

    او الف سيجارة بدون بفرة و الضريبة هيفهموك ازاى

    و الغرقانة و الحاجات دى عاوزة شباب لسه بخيرهم يتلفوا صحتهم بسرعه

    فيلم الموس و المحفظة و الكفرات و كل الكلام التعبان ده بقى تاريخ سهل قوى تبرم دبوس بدون ما تستخدم موس
    و تلفسيجارة بدون بفرة و عن نفسى عينى مش بتحمر و تحت عينى من قلة النوم

    و طبعا مش عبيط ان حد يكلمنى ويعملى تيست و يلاقينى مهيس ايه لعب العيال ده

    و م الاخر كده مبقاش فى اسطفات كويسة فى البلد

    اقولك حاول تكتب عن بياعين الحشيش اللى موجودين فى كل مكان حتى هنا

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s