بس هنجيب من أول الطريق عشان الناس تعرف
هي هتعمل أيه بالظبط ماشي
وأول حاجه قلت نكتبها هي أول حاجة بتعملها كشاب
تبدأ تحضر الأوراق المطلوبه منك للتجنيد
وهي كالتالي
- صور شخصية خلفيه بيضاء بدون دقن 4*6
- مستخرج رسمي لشهادة الميلاد من السجل المدني
ونصيحة مني طلع أكثر من مستخرج لأنك هتحتاجهم
- أصل شهادة المؤهل
أي جامعة بتخرج 3 شهادات تخرج بتتقسم كالتالي
شهادة للنقاية أو الشغل
شهادة للتجنيد
شهادة للترحيل لو دخلت الجيش
- نموذج ال 6 جند وده المفروض يكون معاك
ولو مش معاك تسحب نموذج 7 جند من مندوب التجنيد وتملاه
وتروح منطقة التجنيد تخرج بدل فاقد بس أهم شيئ
تكون عارف الرقم الثلاثي ولو مش عارفة تروح بقي العباسية
وتشوف الرقم ثاني
- فصيلة الدم لازم تكون من مستشفي حكومي عشان ختم النسر
ومش هيعترف بأي ورقة لفصيلة الدم مش عليها ختم النسر
- فيش جنائي من القسم برضوا وإعمله مستعجل أحسن
ولو لبست جيش خلاص يبقي تعمل واحد تاني
لما هتقدم كل الورق ده لمندوب التجنيد هيطلب رقم تليفونك
وخلي معاك بطاقتك عشان تقولوا العنوان اللي فيها ويتأكد
لأنه بيدونه
هيقوم مطلع لك حاجه إسمها أيه بقي
- الفيش العسكري سعادتك هتفيش وتروح تختمه برضك
من مندوب التجنيد ومأمور القسم
بس هترجع له تاني بكل الورق ده مع الفيش في نفس الوقت
هيديك بطاقة خضراء كده تحافظ عليها زي عينك وهيديك كل الورق تاني
بس هيكون مدون علي البطاقة الخضراء دي ميعادك اللي تكون فيه في منطقة
تجنيدك حالق ومظبط نفسك
وكده خلص أول حاجه بتعملها كشاب في مشوار التجنيد
المره الجاية هحكي عن مشوار الكشف الطبي
Posted by احمد on فبراير 21, 2009 at 10:23 ص
بارك الله فيك نشكرك للافاده
Posted by محمد حسن احمد حسين on مارس 10, 2009 at 4:00 ص
يارب استرها
Posted by محمد حسن احمد حسين on مارس 10, 2009 at 4:00 ص
الباحث عن الحب
Posted by محمد حسن احمد حسين on مارس 10, 2009 at 4:02 ص
الجيش على سن ورمح
Posted by ابو الاحميد on مارس 15, 2009 at 10:25 م
واللهى انا رأى اننا نخليها على الله ورحم الله رجل عرف قدر نفسه والبقاء لله والسلام عليكم ورحمه الله وبركاته تعالوو زورنا باى باى
Posted by شلولو on أبريل 12, 2009 at 1:19 م
قول يارب ادخل الجيش ارجو الدعاء
Posted by shamlolawe on أبريل 16, 2009 at 3:45 ص
ليه بتدعي علي نفسك
Posted by شاركوووووووووووووووووووووووووووو on أبريل 16, 2009 at 9:10 م
جيش ايه بس بقا ياعم انتا وهوه بطلوا تفولوا علي الواحد علي العموم شكرا جزيلا لهذه المعلومات الروتينية المصرية الفازة والسلام علكم ورحمة الله وبركاتوه ………فاكرين هنحارب ابقو قابلوني الحلقة اللى جايه……….. شــــــــــــــــــــاركووووووووو تحت الماء ههههههههه
Posted by محمد on يوليو 15, 2009 at 11:18 ص
واللهى انا رأى اننا نخليها على الله ورحم الله رجل عرف قدر نفسه والبقاء لله والسلام عليكم ورحمه الله وبركاته تعالوو زورنا باى باى
Posted by محمد حسن احمد حسين on اغسطس 11, 2009 at 3:04 م
dhvf الجيش مشكلة الشباب طيب انا كنت ثانوية عامة ودخلت جامعة وحولت منها الى معهد سنتين وخلصت وعايز ادخل الجامعة المفتوحة يارب استرها
Posted by المهندس / أحمد معوض on اغسطس 26, 2009 at 10:57 م
كلام 100 % مظبوط كل اللى اتكتب في المدونه دى
لانى مريت بيه كلو من اول الكشف الطبي لحد ما خلصت مركز التدريب وانا دلوقتى اترحلت على الكتيبه بتاعتى
بس عاوز اعلق على نقطه انه فعلا مفيش واسطه ممكن تطلع من الجيش
ويمكن هى دى النقطه الوحيده اللى في مصر اللى مفهاش كوسه
بس في وسايط بعد المرحله دى
انه واسطه تظبطك على سلاح كويس زى سلاح مثلا : اجهزة قيادة , القوات الجوية ( الكعب العالي ) , او دفاع شعبي …
او واسطه تظبطك في الاجازات
او في الالحاق بالسكرتارية او الافراد
او يقعدك في البيت خاااالص
عشان يا جدعان اى واحد لبس جيش مش يزعل الواحد اتعلم اللى عمرو في حياتو ما كان هيتعلمووو والحمد لله
Posted by محمد on سبتمبر 13, 2009 at 2:29 م
طيب دلوقتى انا معايا معهد سنتين الجيش بتاعى هيكون كام سنه
Posted by احمد on أكتوبر 11, 2009 at 9:54 ص
احا
وكل دة لية
هولازم
Posted by shamlolawe on أكتوبر 14, 2009 at 11:25 م
لازم يامعلم هتعمل أيه بقي