إنت دلوقت خلاص خلصت ورقك
وخدت ميعاد الكشف بتاعك
- هتروح بقي تنطلق لمنطقة تجنيدك
بس المهم تروح بدري يعني الساعة 6 الصبح تكون هناك
أنا بتكلم بقي عن الهايكستب تركب الأوتوبيس أبو ربع جنيه
اللي هيدخلك جوا
-هتنزل تقف فدام باب كده هيجمعكم صف
هتقولوا جاي أقدم ورقي وميعاد كشفي النهادره
- هيدخلكم صف المهم حضر في جيبك 4 جنيه رسوم تصوير
بعد كده هتروح تقعد تحت مظلة ماشي وهييجي عسكري
- يقولك ترتيب الورق خلي بالك جدا من ترتيب الورق
ولازم تكون قبلها مصور كل الورق اللي معاك ورقة ورقة 10 صور
ماشي عشان هتحتاجهم جدا وصور ال 6 جند اللي معاك
وبطاقتك الشخصية كمان وأهم حاجة يكون معاك بطاقتك اليوم ده
- بعد ما ترتب ورقك هيقولك ( لو إنت مؤهل عالي ) إكتب ورا صورة من
شهادة التخرج الإقرار ده والإقرار ده إنك تكون ضابط إحتياط وكده
بس هتكتبه علي أكثر من صورة من شهادة المؤهل علي الضهر
وتشيلهم معاك وهييجي دورهم
- حاول يكون معاك دباسة اليوم ده وهو هيلف عليكم يأخد منكم الورق
والبطاقة الشخصية بتاعتك كمان وماتخافش هتأخدها تاني
- هييجي دورك في الدخول لقاعة التصوير هتخش جوا مجموعة مجموعة
تنتظر بالداخل عقبال ما يتم إدراجك في الكمبيوتر وهينادي علي إسم
إسم ولما ييجي إسمك هتروح تأخد البطاقة وتخش تلبس جاكت زيتي كده
وتتصور بيه بعدها هتطلع من جوا يوقفكوا مجموعة
- هتروح تنتظر في مظلة صغيرة كده أمام مبني الكشف الطبي
وهيوزعوا عليك ورقة فيها جميع الفحوص اللي هيعملوها
أوعي تتغابي وترميها
- هتخش جوا هتقلع هدومك كلها وتقعد بالشورت هتكون إتوزنت في التصوير
ومكتوب الوزن والطول خلاص عشان الناس اللي بتخرج وزن
- هتلاقي دكتور يطلع لك يقول كل الأمراض دي لو حد بيشتكي منها يقول
عشان يحولك لجنة عليا
- هتخلص الكشف بتاعك وهتنتظر المجموعة بتاعتك تخلص تقوم خارج
تلبس في صاله كده
- هتطلع علي الإنتقاء والتوجيه ومعاك الإقرار ده والبطاقة الخضراء
ماشي هتخش تقف طابور عشان تدخل ممكن تكون بياناتك إتأخرت علي الشبكة
مش مهم عادي أصبر بس 10 دقايق وهتلاقيهم بينادوا المجموعة اللي نزلت
علي الشبكة وهتخش يأخد منك كل الورق ده اللي هو الإقرار والبطاقة الخضراء
- بعدها بقي يبقي كده خلصت يومك ومنتظر نموذج 110 وهو ده خلاصة اليوم
هتقعد في المظلة ومجموعة مجموعة من الناس هيطلع ال 110 بتاعتها
وبس خلص اليوم
بس في كلام لازم يتقال
- اللي يقولك إتخن وبتاع عشان تخرج من الجيش ده مابيفهمش
لأن كله قسمة ونصيب
- اللي يقولك أخرجك من الجيش بس عايز مبلغ ده نصاب
لأن مفيش حد بيطلع حد من الجيش خليها حلقة في ودنك
وأنا عارف إن كل الكلام ده هتسمعه وهتسمع أساطير
وحكايات عن ناس خرجوا بالوسايط وأنا بقولك
كلها أي كلام لأن معايا في الجيش أولاد رتب عالية أوي
في الجيش ومعايا
- بالنسبة ليوم الكشف حضر معاك حاجه تخرجك من الملل
خد معاك ميه ساقعة لو في الصيف يعني
خد معاك أكلك وعصير وكده
حاول تلبس لبس مريح ياريت يكون رياضي
المرة الجاية هتكلم علي يوم الإرجا
بإذن الله
Posted by khaled on يناير 17, 2009 at 11:51 م
السلام عليكم
فية سؤال هوة بصراحة محرج المهم اعتدى على احد اقاربى جنسيا وانا سمعت ان الكشف الطبى الجديد فى الجيش الان يقومون على على فتحة الشرج وذلك من احد اصدقائى فارجو سرعة الرد لاننى فى حيرة من امرى هل اذهب ام لا وحسبى اللة ونعم الوكيل فى اللى كان السبب
Posted by shamlolawe on يناير 18, 2009 at 12:17 ص
أنا مش دكتور بس روح وشوف وخلاص
Posted by غير معروف on مايو 3, 2009 at 3:57 م
3aez 23rf ana kaman el 7kaya de?
Posted by غير معروف on مايو 3, 2009 at 3:58 م
ya reet daroroy
Posted by shamlolawe on مايو 9, 2009 at 6:10 م
ياجدعاااااااااااااان مفيش خوف هو بيكشف علي الشرج لأن كمان في أمراض كثيرة
فهو بيشوف أهم الحاجات ومحدش بيفلت من الكشف ده من الأخر
Posted by غير معروف on مايو 13, 2009 at 12:50 م
i want ur mail shamlolawe..can i
Posted by غير معروف on يوليو 22, 2009 at 3:47 ص
fi site mmkn yfedk fi el mwdo3 da
we 7tla2y feh el rrd 3la so2alk
http://www.maganin.com/queries/queriesview.asp?key=1547
Posted by غير معروف on اغسطس 6, 2009 at 11:39 م
والله ده استعباد مش خدمة عسكرية
Posted by غير معروف on اغسطس 16, 2009 at 11:13 م
دا كشف طبيعي جدا عشان البواسير و الناسور، زي كشف العظام و الباطنة، و مفيهاش اي حاجة
Posted by ahmed samy on اغسطس 25, 2009 at 5:54 ص
ياجماعة الجيش للرجالة واللى يخاف من الاختبار ده يبقى مدقوق ولا مؤاخذة
Posted by كركر on سبتمبر 13, 2009 at 5:39 م
ياجماعة هو الرجل بيسال مش اكتر بس هيافتحة الشرج ازى يعرف انها طبعية ولا لا ولا دة كشف طبيعى يعنى مفيش منو خوف ولا اية وال انا اعرفو انو بيبص على فتحة الشرج علشان لوفى عغملية بوسير ولا نسور بس ياريت نستفيد اكتر وحد يوضح الامور اكتر
Posted by ابراهيم on أكتوبر 19, 2009 at 5:49 م
اللي مكتوبله الجيش هيخش الجيش
Posted by محمد on أكتوبر 27, 2009 at 1:04 ص
دلوقتي انا كشفي يوم الخميس الجاي و صورت الورق بتاعي 10 نسخ
و لكن البطاقه بتاعتي ضاعت امبارح بس معايا عشر نسخ منها
رخصه السواقه تسد مكانها و لا لا
ارجو الرد لاني مش هلحق اطلع بدل فاقد قبل يوم الخميس
Posted by الباشا on نوفمبر 11, 2009 at 1:13 ص
انا اخواتى فى امريكا بقالهم 4 سنين ولبن وعيال اخويا وخدين الجنسيه الامريكانيه ممكن اخرج من الجيش حد يرد عليا بسرعه
Posted by shamlolawe on نوفمبر 11, 2009 at 2:25 ص
لا مش إجباري سعادتك بتروح وبتملي إستمارة وبعدين يردوا عليك
مفيش أي مشاكل حسب التحريات هيكون الرد