وحصل وحضرتك لقيت نفسك دخلت الجيش
هتلاقي نفسك يا إما ظابط إحتياط يا إما جندي
ده كله مكتوب في نموذج ال 110 اللي معاك
في كلتا الحالتين هيحددوا ليكم مواعيد للتحاليل والإختبارات
المهم أنا هتكلم دلوقت عن المترشحين ضباط إحتباط
لأن اليوم اللي مكتوب بعد كده هو يوم كشف الهيئة
حضرتك هتروح تعمل كشف هيئة شبيه بكشف الهيئة
بتاع الكليات العسكرية كده هتروح إدارة التجنيد في
القاهرة بس بدري الصبح هتدخل وهيقولوا اللي عايز يكتب
ورق إنه يرغب في إنه يبقي ظابط يقول عشان يملأ نموذج بكده
وهتستني شوية كده وهتخشوا الكشف
إنت المطلوب منك تقول إسمك وطولك ووزنك وتعمل حسابك
إنك بتكلم رتب كبيرة في الجيش يعني ماتأخدش الحكاية تهريج
هتخشوا مجموعة مجموعة وهتخرج تمشي ويتحدد لك ميعاد لإعلان
نتيجة الكشف ده يا إما إنك نزلت عسكري يا إما إنك ظابط زي ما أنت
بعد كده لو إنت ظابط زي ما أنت هيتحدد لك ميعاد في الإنتقاء والتوجيه
اللي بعد معهد المشاة اللي في طريق 4.5 هناك هتخش هيتأخد منك بيانات
عن تخصصك وتقديرك في الكلية وطبيعة عمل والدك ووالدتك
وبعد كده هتدخل تحلل دم تاني ماتسألنيش ليه تحليل الدم ده
وبعد كده هتخش تقعد علي كومبيوتر تمتحن أسئلة زي إمتحانات ال
IQ
بعد كده هتروح يتأخد طولك ووزنك تاني وبعد كده هتروح تقعد
مع واحده قاعده علي كومبيوتر هتتسأل كام سؤال بسيط وهتقوم
تتفرج علي فيلم عن كلية ضباط الإحتياط وأهميتهم وهتلاقي ناس هناك
هتشرح لك كل حاجة وماتخافش ياسيدي بس أهم حاجه لو عندك شكوي
طبيه ماتترددش إنك تقولها ومفيش خوف
كده خلاص خلص يومك هيتحدد لك يوم مناظرة المقبولين ضباط إحتياط وده
كشف هيئة برضه زي اللي إنت دخلته مفيش فرق وماتخافش
هتروح ممكن تعيد التحاليل تاني لأن في عينات ممكن تتجلط وده وارد جدا
وهتخش سعادتك المناظرة دي وبرضه هتتسأل
خلي عندك ثقة بنفسك وحاول تخلي مظهرك كويس وتروح بدري علي قد ماتقدر الميعاد
أنا كده خلصت اليوم ده وكفاية لغاية كده
وهكمل بعدين
بإذن الله
محمد قال,
يونيو 14, 2009 في 11:10 ص
هل فى دكتوره بتكشف على الجهاز البولى والفتحه الشرجيه ولو واحد خول بيتعرف اسف فى اللفظ
shamlolawe قال,
يونيو 19, 2009 في 12:48 م
بص من الأخر هما هيكشفوا علي الكلام ده ومعرفش بقي يبان ولا مايبانش أنا مش دكتور عشان أعرف
انا باشا قال,
اغسطس 27, 2009 في 11:14 م
شكرا يا باشا لمشاكرتك مغامرات عالم سمسم دي عقبالنا يا رب لما ننول كدة شرف البهدلة والمرمطة
هو الكشف الملط دة بيبقى كله قالع قدام كله ولا بيكشفوا على كل واحد لوحده وليه الاحراج والعفانة دي مش العورة دي حراج حد يشوفها
انا عامة هقفل النور… قصدي هقلع النضارة اصلها بتدي نفس المفعول ويا رب اليوم دي يخلص بلا قلة ادب
الا قوللي الله يكرمك هو اللي نظره ماينس 3 وحتة وماينس اربعة وحتة يروح بيه فين؟
shamlolawe قال,
اغسطس 28, 2009 في 4:55 م
بص ياسيدي الكشف الملط ده كل واحد لواحده بس بتبقوا طول الكشف لابس البوكسر لغاية لما يكشف عن فتحة الشرج بتخش كل واحد لواحده
أما عن النظر لو إنت -4 أقول لك المفروض تطلع بس في ناس بقي ماطلعتش يعني إنت وحظك
أما -3 بيروح مارينا يعني مابتفرقش أهم شئ تبقي -4 أو أقل كمان
انا باشا قال,
اغسطس 28, 2009 في 5:34 م
طب هو مش اللي من غير بوكسر دة في كشف الهيئة بس وللا بردو في الكشف الطبي اللي في الاول؟ وللا الاتنين؟
shamlolawe قال,
سبتمبر 2, 2009 في 12:57 ص
كشف الهيئة مفيش خلع هدوم أساسا
الخلع في الكشف الأول
mahmoud totti قال,
سبتمبر 16, 2009 في 6:08 ص
انا عملت كل دة والنهاردة رايح اعرف النتيجة يارب عسكري