تعالي بقي دلوقت ونقول إنك نزلت عسكري
ودلوقت إترحلت أيه الحاجات اللي ممكن تحتاجها معاك
في مركز التدريب وخصوصا إنك هتقعد 45 يوم
من غير ماتنزل أجازه وساعات بيبقي في نزول بس
ما تعتمدش علي كده ماشي
المهم خلينا نقول الحاجات اللي ممكن تحتاجها
- الغيارات الداخلية بس بكمية كبيرة وحاول تجيبها ملونة
لأن سعادتك فعلا فعلا هتغير كثير جدا
- عدة حلاقة شاملة طبعا معجون حلاقة وماكينه وفرشاه
بس نصيحه بجد هات عدة حلاقة نضيفة عشان الذقن
بيتهري من كثرة الحلاقة والإلتهابات هتكتر من كثرة الحلاقة
لأن ماينفعش تبقي ذقنك طويلة
- صابونة ديتول وزجاجة ديتول ومناديل مبللة ديتول هتفيدك جدا
وخد معاك بكر مناديل وكيس مسحوق غسيل عشان هتغسل ياحبيبي
وماتستغربش
- خد معاك أي برفان أو بادي سبراي زي أكس مثلا مايكونش غالي
بس عشان الريحة أو ريكسونا وهات معاك كمان بودرة الرجل بتاعة إيفا
بكثير هتفيدك جدا وبلاش فيبكس بتاع الرجل وحش ومش هيريح
ممكن فيبكس بتاع العرق كويس شوية
- ورنيش كويس بس في ورنيش حلو إسمه سيلفر هتلاقيه عند البياعيين السريحه
والإكشاك اللي في وسط البلد
- وحاجه مهمة جدااااا لو دخلت في الشتاء وهو الكالسون عشان الجو البرد
ضروري تجيبه
- الأدوية لازم تبقي معاك
كيتوفان للصداع والألم
كونجستال أو نوفلو للبرد
مضاد حيوي
أنتينال مهم جدا
بران كبسول عشان نقص الألياف
ولو فيتامينات كمان يبقي تمام
مرهم تينيا كيور عشان التينيا
ومرهم تسلخات زي كينا كومب
ورباط ضغط ومرهم للكدمات والعضلات
- في حاجات مهمه معلقة وقصافة أظافر وفتاحة علب تونة
- هات حتة خرطوم طولها متر مش هقول هتستخدمها في أيه
إنت هتعرف بعدين
- عدد 2 قفل بس ياريت يكون نحاس يعني غالي ومايكونش أقفال صيني
اللي مفاتيحها بتفتح علي بعض دي بلاش
وحاول تجيبه قبل صغير أوي أو وسط
- منبه وساعة كمان وقلم عادي وقلم ماركر طخين وكراسة وممكن راديو بس مش كاسيت راديو بس
بص ياسيدي سعادتك مش هتحتاج حاجه تاني لأنك هتأخد مخلة ماتنساش يعني
ماتجيبش شنطة كبيرة معاك ولو جبت رجعها مع أهلك في أول زيارة ليهم
الفوط وملاية السرير وكيس المخده والبيجامات اللي هتتام بيها وكل حاجه
هتأخدها ماتخافش يبقي مش هتحتاج حاجه المخلة كبيرة وهتأخد دولاب
كمان خاص بيك
ولو عايز تجيب حاجه تذاكر فيها مفيش مشاكل ممكن يجيلك وقت
تكون عايز فيه تذاكر أو تقرا حاجه وهيعدي عليك كثير
وقت تكون فيه عايز تقرا ولو حتي قصص
التليفونات هات معاك كروت ميناتل ورينجو لأن معرفش مركز
تدريبك هيكون فيه كابينة أيه بالظبط
ماتجيبش معاك موبايل ولا لبس ملكي سعادتك في أول زيارة
هتدي اللبس الملكي اللي كنت مترحل بيه لأهلك
amr قال,
يونيو 25, 2009 في 6:47 ص
بقولك ايه ؟؟ … الحاجات دي فعلا هحتاجها بجد ؟؟
يعني اجهزها و اخدها معايا ؟؟؟ … و يا ترى هينفع ادخلها ولا مش هينفع ؟؟
و الموبيل ما ينفعش اخدو ليه؟؟ ممنوع ؟؟ طيب هو ممنوع و الراديو و القصص و كده مش ممنوعين ؟؟؟ الحاجات انا فاهم هاخدها ليه …. بس القلم الماركر الطخين … هعوزه في ايه ؟؟ و الكراسه ؟؟
معلش على الاسئله ….
و تسلم يا شملول على الحاجات المهمه دي !!!!!
shamlolawe قال,
يونيو 25, 2009 في 4:31 م
بص ياسيدي الحاجات دي فعلا هتحتاجها جدااااااااااااااااااااااااااا
ومسموح بدخولها أما الموبايل وأي وسيلة نقل معلومات ممنوعه داخل الوحده العسكرية
زي الكاسيت والفلاشات وال MP3 وال MP4 والكاميرات ممنوع تماما
القلم الماركر ده سعادتك عشان تعلم بيه البطاطين بتاعتك والمخلة بتاعتك وتكتب إسمك
علي الحاجات اللي هتستلمها عشان لو إتسرقت حاجه تعرف تجيبها تاني
القصص والكتب العلمية والراديو والكراسات والإقلام مش ممنوعين
amr قال,
يونيو 26, 2009 في 2:54 ص
تمااااااااام
طيب الكراسه هعمل بيها ايه؟؟
shamlolawe قال,
يونيو 26, 2009 في 5:45 م
بص سعادتك هتأخد قواعد تدريب مبدئي هتحتاج تكتبها
وحاجات في الأسلحة والتدريبات
وأكيد هتحتاج للكراسة والقلم
mostafa قال,
يوليو 25, 2009 في 4:38 م
و يتري الخرطوم ليه ؟؟؟؟؟؟؟؟؟
سؤال تاني هو الواحد هيحتاج معاه فلوس ؟؟؟؟؟؟ وليييييه؟؟؟؟
shamlolawe قال,
يوليو 26, 2009 في 4:36 م
دي أكثر حاجه هتحتاجها معاك الفلوس
أنا صارف في مركز التدريب ده كمية فلوس بنت ,,,,,,,,,,,,,,,,
يابني أكل مركز التدريب قليل جداااااااااااااااااااا ووحش
فشغلك كله هيبقي من الكانتين
وفي مراكز تدريب بتضر فيها تشتري مياه معدنيه
وهتشوف خد معاك 500 جنيه وإستني أهلك أول زياره
وشوف صرفت كام إن ما خدت منهم فلوس ما بقاش أنا
بس إياك إياك من السلف ياحبي أوعي تسلف حد
وخليك دايما تقول مش معايا
وإلا هتبقي ملقف للي رايح واللي جاي
انا باشا قال,
اغسطس 27, 2009 في 11:30 م
طب والخرطوم؟؟؟؟؟؟؟؟؟؟؟؟؟؟؟
ايه الحاجات اللي تقلق دي اللي الواحد بيسمعها من هنا ومن هناك
اصل دي مش اول مرة اقرا حكاية الخرطوم ومتر كمان
shamlolawe قال,
اغسطس 28, 2009 في 4:52 م
بص يا سيدي الخرطوم خده معاك وهناك هتعرف لازمته أيه بجد
يعني عشان تعمل لنفسك حمام أفرنجي متنقل
فهمت
انا باشا قال,
اغسطس 28, 2009 في 5:36 م
متشكر يا باشا ويا رب خدمتك تعدي بسرعة
shamlolawe قال,
اغسطس 28, 2009 في 4:53 م
بص هو متر كفاية فعلا بس هاته علي مقاس الحنفية من الأخر
دفعة قال,
أكتوبر 17, 2009 في 2:45 ص
تشكر ياباشا على الموضوع الجميل دة
انا مسافر بكرة اول ايام مركز التدريب ادعوووووووووولى
ونتقابل بقى بعد مركز التدريب سلام
دفعة رجع يا جدعااااااااان قال,
نوفمبر 18, 2009 في 2:21 م
ورجعت لكوا بعد اول اجازة من مركز التدريب يعنى مصنع الرجال لأنهم لو مش رجالة مش هيستحملوا يوم واحد هناك هههه انا الحمد لله روحت مركز تدريب رقم 5 سواقين فى اسكندرية والحمد لله وفعلا فية حاجات كتير من الى انت قلت عليها فى الموضوع اختها معايا بس فية حاجات مكنش ليها زى الخرطوم ودة لأنة فية مكان مخصوص للأدشاش هناك وكمان الراديو اولا لأنهم مردوش يدخلوا اى اجهزة وى ام بى3 ولا راديو ولا اى حاجة وبعدين انت مش هيبقى لك نفس تسمع حاجة اصلا ههههههه ياريت الناس كلها تشارك وتتفاعل مع الموضوع المفيد دة
shamlolawe قال,
نوفمبر 19, 2009 في 12:46 ص
ربنا يبارك لك ويكملهالك علي خير أنا سلمت خلاص يامعلم
دفعة رجع يا جدعااااااااان قال,
نوفمبر 20, 2009 في 4:11 ص
يبقى الف مبرووووووووك يا باشا وعبال ما نسلم احنا كمان يااااااارب