تحذير هام وعاجل لكل البنات

انا هخش في الموضوع علطول النهارده وانا نازل التحرير

يا كنت هخش السجن ياكنت هموت

ركبت ميكروباص عشان أركب المترو لقيت 4 شباب

2 جنب السواق و2 في الكنبه الأولي وجنبهم بنت

وانا ركبت في الكنبة الثانية

المهم واحد من الأثنين القاعدين في الكرسي اللي جنب السواق

فتح مطواه وقعد يهوش بيها العيال صحابه برضه اللي في الكنبة الأولي

فالبنت قعدت تبص لي وعرفت أنها خايفة وشكلها محترم ومش معاهم

قمت قلت للواد عيب كده شيل المطواة ياحبيبي عشان غلط في حريم قاعدة

وكلنا عندنا حريم ومايصحش كده

البيه قام مخوف بيها البنت قمت قلت للواد السواق أقف وقلت للبنت أنزلي

مارديتش عليا قلت لها انزلي برضه مارديتش ..

قام البيه اللي بالمطواه قالي مش هتنزل

قمت شديت اهلها من ايدها ونزلتها بالعافية ونزلنا لبعض بقي في الشارع

وقامت خناقة كبيرة والحمد لله يعني الناس اتلمت بس كنا مسكنا في بعض أساسا

بس مسكت البنت زعقت لها مع إني معرفهاش بس والله كنت مديها دش ساقع

فياريت وأرجوكم تنقوا الأوقات اللي بتنزلوا فيها وهتركبوا أيه وفين

وشوفوا شكل الناس اللي راكبه

وشكرا جزيلا