كتاب Bodybuilding Anatomy-2nd Edition 2015

51KcGfDrdSL._SX349_BO1,204,203,200_Evans-Page-81

التنزيل من هنا    strength-training-anatomy-2nd-edition
البنك المركزي المصريكتب :
Reda M. Elsherif
 

“يعني ايه تقتل الاستثمار” .. 
مسلسل الهذيان اللي بيدار بيه اقتصاد مصر مستمر .. وبعد مشروع الفنكوش “قناة السويس الجديدة” اللي مفيش اي جدوي اقتصادية ليها .. دخلنا دلوقتي في تمويل القناة والقرارت الاقتصادية اللي بتسبب كوارث محدش بيحطها في حساباته. 
لو عندك شويه وقت .. ممكن تتعب معايا وتقرأ شويه حاجات كدا 
هيطلع حد ويقولي ليه يعم بتسودها في وشنا ؟؟؟ 
والله انا مبقصد كدا .. نفسك البلد تتظبط ويتصلح حالها بس لما بتشوف كوراث قدامك ومش عارف بتحصل ليه ولصالح مين؟؟؟ .. ماهو اكيد في ناس بتفهم في القيادات دي .. ايه اللي بيجري؟؟؟؟
النهارده طلع مشروع صكوك جديد لتمويل القناة بفايدة 12% وتتوزع كل 3 شهور. وقبلها طبعا تم رفع سفر الفوائد علي الودائع بالبنوك واللي بيأثر طبعا علي الفوائد علي القروض
مبدأيا كدا لو عايز تعرف ايه المشكله في كدا؟ 
– طيب بص ياسيدي انا واحد معايا مليون جنيه مثلا ، هروح احطهم ف المشروع بتاع القناة كسند او في بنك كوديعة .. وهيجيلي عائد عليهم سنوي 120 ألف جنية يعني بمعدل 10,000 جنية شهريا .. يا حلاوه يولاد .. ايه بقي اللي يخليني اوجع دماغي واستثمر الفلوس دي في مشروع اعمله انا .. طيب ما اربطها وديعه في بنك .. او في سند في قناة السويس واخد العائد دا؟؟ 
هيجي حد ويقولي ياعم كبر دماغك .. دي ناس معاها فلوس .. انا مش فارق معايا يعملو ايه بقي .. انا عايز اعيش بس.
بص ياكبير .. انت اكتر حد بينضر من دا .. هقولك ازاي .. فكر معايا كدا 
بلد مطوحنه اقتصاديا .. مفيهاش فلوس وبعدين شويه السيولة اللي في السوق تتمص وتروح لحفر مشروع غير مجدي في الوقت الحالي نهائيا .. ودا هيأثر عليك ازي بقي 
– الاستثمار محتاج تمويل .. التمويل هيبقي عبئ علي صاحب المشروع .. يعني كل ما الفايدة زادت كل ما العبء زاد .. ودا بيخلي ناس كتير متاخدش تمويل علشان مشروعاتهم تكبر او ينفذو افكارهم .. بيترتب علي دا ايه بقي مفيش مشاريع جديدة ولا المشاريع الحالية هتكبر يعني مفيش شغل.
– مشاريع كتير هتفشل وهتقفل يعني قلة منافسة والاحتكار هيكون للركب .. يعني بطاله اكبر .. ومشروع القناة اللي بيقولو هيوفر شغل لملايين .. 95% من العمالية اللي هياخدها المشروع دا عمالة يومية لفتره بسيطه يعني بعد نهاية المشروع هتواجه كوارث اكبر.
– المشاريع اللي بتاخد التمويل وبتنجح .. بيكون مصروفات التمويل مرتفعة بسبب الفوائد الكبيرة ودا بيخلي صاحب المشروع يزود اسعار منتجاته وبكدا اسعار بتزيد عليك.
– اللي مبتفرقش معايا الفوائد وأرقامها دي هما حيتان البزنس والكبار في البلد دي .. لأن عندهم مشروعات عملاقة بيحقق بعضها ارباح بتوصل 50% فلما ياخد قرض ب20% حتي مش هتفرق معاه زي الباقيين.
– خد عندك ان الحكومه ممكن تطبع فلوس جديده علشان تقابل التزامات ديونها بسبب الفوائد دي .. وتزودلك التضخم بشكل اكبر 
هو انت ليه قافلها في وشنا كدا .. متسبنا نفرح ياعم .. عندك حلول لدا يعني؟؟
بص يا سيدي علشان تحل مشاكل اقتصاد بلدك دي ممكن تبص علي التجربة الماليزية دي معايا 
– بص من اصعب الدولة اللي كانت بتواجة مشاكل اقتصادية دولة اسمها ماليزيا .. معدل الفقر فيها وصل لأرقام قياسيه لانعدام الموارد عندها .. لغاية لما جالهم رئيس وزارء اسمه “مهاتير محمد” في 1981 قلب كل الموازين في الدولة 
– أول حاجه مهاتير اهتم بيها هي التعليم وخصص 20% من موزانة الدولة للبحث العملي.
– طور النظام المصرفي الاسلامي وطبقة في الدوله في جمعيات تمولية بسيطة انتقل بيها بعد كدا للبنوك الكبيرة وصلت دلوقتي لأن ماليزيا اكبر دوله بتعمد علي التمويل الاسلامي .. اللي هو اصلا بيعتمد علي ان القروض بدون فوائد أو انظمه مرابحة معينة وخلافة.
– مع قله تكاليف التمويل اتجه كل الناس اللي عندها بطاله او عايز يكبر مشروعه انه ياخد التمويل بدأ اللي مش شغال يشتغل واللي عنده شغل يكبر ومع المنافسه الشديده .. بدأت المنتجات تتطور لغايه لما بقي عندهم قطاعات صناعية مميزه وصادرات بالمليارات. والمحرك الرئيسي لنهضه ماليزيا هو المشرواعات الصغيره اللي اتبنت بسبب التسهيلات الائتمانيه اللي سببها اتباع النظام الاسلامي في التمويل.
– قلل الرغبة عند الناس اللي معاها شويه فلوس في ادخارهم بس وزود رغبتهم علي الاستثمار علشان من الأخر كدا انهم يحطو فلوسهم في البنوك مبقاش جايب همه 
– خفض مستوي الفقر بشكل كبير جدا لأن معظم أسعار السلع انخفضت علشان المنافسه كبرت وعب تمويل المشروعات قل.
– كمان أخدو خطوات اقتصادية مهمه منها انهم منفذوش اوامر صندوق النقد الدولى والبنك الدولى ، وأخدو قرارات اقتصادية في صالح ماليزيا قبل أي حاجه تانيه مش قرارات في صالح الدول المهيمنة علي علي الصندوق واللي بتفرض سياسات بتخدم فتح سوق ليها عن طريق العولمة.
– تعرف مان ان ماليزيا دلوقتي هيحصل فيها اندماج ل 3 بنوك اسلامية علشان يوصلو لبنك واحد أصولة تقدر بحوالي 200 مليار دولار هيقدرو من خلالها ينافسو أكبر البنوك والمؤسسات المالية في العالم ودي هتكون نقلة كبيره جدااا في اقتصادهم وهتقبل موزاين كتير في الاقتصاد العالمي.
– تعرف انهم عاملين مشروع اسمه 2020 .. ودا هدفه انهم يكونو القوة الاقتصادية رقم 4 في اسيا بعد (الصين – اليابان – الهند) وقربو يحققو الحلم دا.
ياعم احنا جامدين أوي .. اكيد في مصر بيعملو حاجات احسن من كدا بس انتو متشفوش ومش 
بص يا سيدي اللي بيحصل في مصر بس 
– انت مازالت بتعمل الحزم الاقتصادية اللي طلبها منك صندوق النقد الدولي ودا بداية من عصر مرسي وحتي الان.
– في نفس الاسبوع اللي السيسي مسك الرئاسه .. البنك المركزي رفع سعر الفوائد وعليه اسعار السلع بتزيد وكل العيوب اللي قلناها زادت.
– مشروع الصكوك اللي تم اصداره النهارده “هيزود الطين بله #القذافي_ستايل  “.
– مفيش اي رؤية واضحه لتسهيل تمويل المشروعات الصغيره ودعمها. وتسخير كل موارد الدولة لمشروع غير مجدي اقتصاديا.
– ارتفاع التكاليف علي كل الشركات وعليه شركات كتير قفلت الفتره اللي فاتت ومعدل الافلاس وقفل المشروعات بيرتفع .. والدولة مش حاسة بالكوارث دي.
وبعدين ترجع تقولي في تضخم واسعار عاليه ومفيش نمو والبلد بتموت وانت أو ممكن حد يتذاكي ويقولك البنوك بترفع الفايدة علشان تلم الفلوس من السوق وتقلل التضخم .. لو حد قالك كدا .. قوله “هاكونا ماتاتا” 
شويه معلومات تانية كدا 
– تعرف ان امريكا بعد الأزمه المالية اللي حصلت عندها وانهيار بنك ليمان برزر .. اتجهو لتخفيض الفايده بشكل كبير .. وكل نصائح الخبراء الاقتصادين ليها باتباع النظام الاسلامي
في المعاملات البنكية .. علشان هو الحل الوحيد لتجنب اخطار المشتقات المالية وتضخم الفوائد.
– طيب تعرف ان المثل الأعلي لمهاتير محمد في النهضة بتاعتة واللي مشي علي نهجه محمد علي باشا مؤسس مصر الحديثة.
بس كدا .. ربنا يوفق مصر للي فيه الخير ديما يارب 
لينك البوست
السلام عليكم
انا اجمع كل المقالات اللي اتكلمت عن مشروع قناة السويس الجديد
وبسم الله نبدأ بأول تفنيد
كتب :  Reda M. Elsherif
قناة السويس

Reda M. Elsherif
 
“قناة السويس الجديدة .. واحنا علي الحديدة” 
بقالي 3 سنين بحلم بمشروع تنمية قناة السويس ومرتب حياتي عليه وعلي اللي هعمله هناك ورغم اني مقلق من دعم الامارات لمصر وانها مش هتسمح بيه يتعمل .. بس قولت يمكن عندنا اراده نقول “احنا هنا” .. وقمت بدري من النوم اشوف بقي المشروع واسمع الخبر اللي بستناه من سنين بس صدمت الصراحه  
مبدأيا كدا في كذا نقطه في كذا نقطه محشورين في الحنجره .. اللي عايز يقرأهم هيتعب شويه 
مبدأيا كدا نفرق بين قناة السويس الجديدة اللي بتكلم عنها وبتناقش في جدواها اصلا .. وبين تنمية اقليم قناه السويس واللي انا بدعمة بشده”
– مشروع قناة السويس الجديدة .. ايه الفايده منه في الوقت الحالي ؟؟
ولا حاجه .. ازاي بقي؟ 
بص يا سيدي انت هتصرف 30 مليار جنيه علي حفر قناه جديده كل الغرض منها انك تقلل المدة اللي بتمر فيها السفية من 18 ساعة الي 11 ساعة (دا غير 29 مليار تانيين هتصرفهم علي الأنفاق) .. ودا اصلا عمره مهيزود السفن اللي بتعدي من القناة لأن مفيش منافسين ليك غير رأس الرجاء الصالح ودا السفينه بتحتاج من 3-5 ايام علشان تمر بيه ودا في أحسن الأحوال كمان .. يعني كدا كدا السفن هتجيلك اللي هما معدل 45 سفينة في اليوم .. طاقة قناة السويس الاستعابيه 60 سفينه ع الأقل يوميا .. واللي بيجيبك 45 علي اقصي تقدير .. يعني مفيش سفن تعدي اصلا ولو جت بالوضع الحالي وزادات انت تستوعبها .. واتفرج علي الفيديو الترويجي للمشروع هتلاقيهم بيقولولك هتزيد علي سنه 2023 
ياعم فكك .. طيب هيضر في ايه يعني لو اتنفذ؟؟
فكيتني يا أخ بس بقولك بقي 
-تدشين قناة سويس جديده بيعطل تدشين محور التنمية نفسة والمناطق اللوجسيته اللي المفروض اصلا تتعمل وتزود دخل القناة من تضخيم مكسب مصر من السفن اللي بتعدي. ومش هيزود ولا مليم في الوقت الحالي للدخل.
-تأخير تدشين المناطق اللوجوسيته بيصب في المقام الأول في صالح اسرائيل اللي بتسابق الزمن علشان تخلص المشروع اللي بيجهزوه يكون بديل للمنطقة اللوجوستية دي مع الأردن .. فياتري المسئولين واخدين دا في حسابتهم؟ 
-تحميل الدولة باعباء مالية مش هتجيب عائد علي المدي القصير خصوصا في ظل الأزمات اللي احنا فيها بنفس الغباء اللي تم في مشروع توشكي لما عملاناه سنة 1997 ومعرفناش نصرف عليه ووقف المشروع واهدر فيه مليارات الجنيهات .. انت دلوقتي محتاج مشروع ينجزك ويجيبلك فلوس تستغلها بعد كدا يا سيدي في انك تحفر عشرين قناه لو عايز تحب.
انتو مش عاجبكم حاجه .. الراجل يقطع نفسه يعني؟؟ .. عندك بديل يعني؟؟؟
بصي يا سيدي …
– الـ 30 مليار اللي هحفر بيهم القناة بيعادلو حوالي 4 مليار دولار محتاجينه؟؟ طيب خد يا سيدي المصايب والمشاريع اللي كنت ممكن استغل فيها الفلوس دي وتجيبلك مليارات الدولارت في ااقل من سنة 
– سمعت عن حاجه “التربل ايز – Triple Es” اكيد لأ لأن العباقره اللي عملو المشروع معرضوش حاجه عنه النهارده .. بص يا سيدي الترابل ايز دا نوع جديد طالع من السفن العملاقة بتشيل حوالي 18 ألف كونتينر وارتفاعها حوالي 20 دور .. والعالم كله بدأ يتجه ليها في النقل علشان ااقل في التكلفة والمجهود والخطر كمان .. النوع دا بينقل البضاعه لمكان معين وبيقف في 5 محطات استراتيجية في العالم ينزل بضاعة والسفن بتنقل منه وبعد كدا بينزلها وبتيجي سفن أصغر تاخد الكونترنات دي تنقلها لكل دوله ع حدة بقي .. طيب انا كمصر استفيد من دا ازاي؟؟؟ 
-انت عندك في مصر مشروع تم افتتاحه من كذا شهر اسمه “شرق التفريعه” ودا في بورسعيد .. دا باجماع كل الشركات الملاحية في العالم انه انسب مكان في الشرق الأوسط علشان يكون المحطة اللي تقف في السفن دي زي ، الميناء دا معمول بتكنولوجي كويس جدا نقدر نستغلة بشكل مميز .. في مشلكة واحده فيه ان العمق بتاع الميناء دا 15 متر في حين السفن دي محتاجه عمق 18 م .. كمان الأوناش اللي موجودة في الميناء مصممه للسفن الأصغر منها فحتتاج أوناش أكبر شويه .. طيب الليله دي تكلف كام؟؟ هتكلف أأقل من 2 مليار دولار وهتاخد تنفيذ حوالي 6 شهور وهتتضاعفلك دخل قناة السويس الحالي 3 مرات وهتعمل دخل للميناء نفسه حوالي 5 مليار سنوي وتقدر من الدخل دا تعمل اللي انت عايزه بعد كدا.
– وطبعا علشان أهمية المشروع دا وقد ايه هو رائع اسرائيل دلوقتي شغاله علي تطوير مينائي (اشدود وحيفا) علشان تعمل المشروع ويكونو هما المركز اللي هتقف فيه السفن دي .. رغم ان مواقع المواني دي لا تقارن بميناء شرق التفريعة ، ودخل علي طول الخط دلوقتي قناة بنما بتحاول تظبط اومرها هي كمان وتطور القناة علشان تجذب التربل ايز .. طيب ازي نسيب حاجه زي دي من ايدنا ومكسبها سريع ومش هنحتاج دور المسكنه دا وهات ومش قادر اديك والهبل دا؟؟؟
شويه حاجات تانيه كدا … 
– بالنسبة للشركات اللي تنفذ المشروع والتكاليف والهبل دا .. بص يا سيدي انت عندك في مصر شركات مقاولات حكومية كبيرة وكتير جداا وللأسف معظمها بيحقق خسائر بسبب ان مفيش مشروعات تنفذها زي (المقاولين العرب – بتروجت – حسن علام – مختار ابراهيم – PMS) معظم الشركات دي العماله اللي عندها قاعدة وغير مستغلة .. طيب ليه مخليش الشركات دي تنفذ طالما كدا كدا العماله دي بتاخد مرتباتها .. يعني كدا كدا انا متحمل تكلفتهم .. هيجي حد ويقولي معندهمش خبره .. هقوله ان الشركات دي هي اللي نفذت المشروع بتاع شرق التفريعة ومنفذاه بمستوي عالي جدا كمان .. فهل من ؟
– طيب بالنسبة لطريقة اسناد المناقصات والمستندات وبنود العقد ان كل حاجه سرية .. يعني انا كجهاز رقابي كمان هراقب علي اللي بيجري ازاي؟ وهل اصلا هيكون مسموح بدا .. وليه الجيش يشرف علي حاجه زي دي .. وليه يعامل انه دولة داخل الدولة؟؟
اخيرا من مرسي للسيسي يا قلب لا تحزن نفس الدماغات .. مفيش كاريزما في الخطابات وتقعد قدام الخطاب ولا تفهم اي حاجه .. واحد مبيفكرش غير في الصوابع والتاني في الطوابع .. ربنا يهدي 
 المراجع لو حابب تتحق من صحة الكلام
لينك البوست
 
 

صورة

السلام عليكم .. أيه الأخبار يا شعب مصر يا متعبنا معاك
المهم الموضوع اللي هسرده علي حضراتكم اي استفسار فيه خارج المدونة
ابعتلي علي تويتر لو ماجوبتش عليك هنا نظرا لظروف العمل
المهم يا سادة من كام سنة فاتت كده زمان بس مش أوي بدأ نشاط الغاز الطبيعي في مصر ينتشر
حتي تم إدخال تكنولوجيا جديدة بتحويل السيارات لتعمل بالغاز الطبيعي CNG
وبالفعل بدأت شركات حكومية مثل ( كارجاس – غازتك ) النشاط
وطبعا بالتنصيص والنسبة المشتركة مع شركات أجنبية مثل ENNI
المهم يا جماعة لما تم إدخال التكنولوجيا دي الخواجة مكنش يعرفنا
ولو كان عرف المصريين صح ما كان إخترعها اساسا ولا كان وافق اننا نستخدمها
وهنا هبدأ أقسم التدوينة لقسمين :-
القسم الأول هي محطات تموين الغاز الطبيعي والوقود
القسم الثاني هي السيارات التي تم تحويلها ولازال حتي الأن
أولا محطات تموين الغاز الطبيعي
يا سادة يا كرام ارجو فقط من حضراتكم أن تتخيلوا معي ان كل شخص منكم ينام علي لغم تحت مخدته
وهذا ليس بتخيل ضخم بل إني أبسط الأمر قليلا لنستوعبة
دائما كان يُقال لنا ان ننتبه من الألغام فما بالك بأن قمت بإنشاء مصنع ألغام بجانب بيتك الأمن مؤقتا
بداخل محطات تموين الغاز الطبيعي يكون هناك خزانات تحمل داخل طياتها ما يزيد عن 300 بار (وحدة ضغط)
واحيانا تصل ل 400 و 500 بار
محاولة لتبسيط الأمر
فقط تخيل معي ان أنبوبة بوتجاز منزلك التي إذا أنفجرت تطيح بأسرة بأكملها 
ضغطها يعادل 7 بار أو أقل ( إحسب وإفهم جيدا )
فما بالك بأن يكون أكثر من خزان بالمحطة الواحدة وكل خزان يحمل بين طياته هذا الكم الهائل من الضغط الهائل
ناهيك عن ما يحمله بين طياته من غاز قابل للإشتعال وليس هواء يكفي فقط إنفجار خزان مثل هذا يحمل هواء فقط
ولم نكتفي بذلك بل الجشع والطمع جعل من الشركات تبني محطات التموين بالغاز مناصفة مع محطات الوقود
لو كنا نقصد أن نحرق البلد ما كنا نفعل ذلك
ويكفي أن أقول لكم أن هناك كارثة محدثة كانت علي وشك الحدوث بمحطة كارجاس بشارع صلاح سالم
وايضا بالنعام هناك محطة لكارجاس أيضا بسبب تأكل سن قلاووظ ل Relief valve
(هو محبس مظبوط علي ضغط معين حين يتخطي الخزان هذا الضغط يفتح تلقائيا ليعادل الضغط)
انطلق هذا المحبس كالصاروخ بالجو واستيقظ أهالي المنطقة علي صوت خروج الغاز المفاجئ تخيل هذا الصوت فقط
وايضا محطة كارجاس بشارع رشدي الذي أجبر أحد علية القوم سيادة السفير أن يتم غلقها بقرار من محافظة القاهرة
لانها مصدر إزعاج للمنطقة بس عشان عنده ناس مهمين دي بس اللي قفلت من الساعة 5 عشان ميعاد رجوعه
من منكم يذكر حريق محطة الوقود بألماظة والتي بجانبها أكبر محطة تموين بالغاز الطبيعي بألماظة بجوار شركة فايزر
استمر الحريق 7 ساعات وربنا نجانا من كارثة كبيرة جدا
يكفي إن إنفجار خزان واحد فقط من هذه الخزانات بهذا الضغط كفيل بتدمير دائرة قطرها
يزيد عن كيلو متر كام حول المحطة
لسه الخطر مش بس كده لازم تعرفوا ايه اللي بيحصل
ما أريده منك الأن أن يكون كل شخص منكم قد ألم ولو بقدر بسيط بمخاطر ما نعيش نحن وسطه الأن
فوسط غياب الأجهزة الرقابية وغض بصرها اصبحنا ووجدنا هذه المحطات وسط مساكن مأهولة
ومعلش انا معاهم أنهم غضوا البصر برضوا الباشا عنده ولد ولا بنت عايز يشتغل بمرتب معقول
وبالفعل معظم هذه الشركات بدأت رأسمالها أنجال البشوات بل وايضا هناك من قام بتطعيم شركاته
بوزراء سابقين بل ومن لهم أقارب مهمين صلتهم حتي تصل أحيانا برئيس الجمهورية نفسه
كفاية الأن عشان الملل بس لسه ما وضحتش الخطر كله
اعتبروها نبذة عما يدور حولكم المرة الجاية بقي هسرد تفاصيل ثانية وحقائق أكثر وبلاوي اكثر

Image

 التحميل من هنا : فوق الدولة: جمهورية الضباط في مصر 

صورة

السلام عليكم ورحمة الله وبركاته

اخباركم ايه يا شباب ويا بنات … ربنا يهدينا ويهديكم ويرزقنا الزوجة الصالحة ويجعل لنا من ذريتنا قرة أعين لنا

المهم هناك ظاهرة تتظاهر البنات انها لا تعلمها او انها جديده علي مسامعها 

لكن علي مين يا شابة مفضوحة يا خاله وبقيتي قديمة قدم الجبنة 

وخدي نصيحة من قعر الصفيحة ( علي رأي خالتي ) فكك من التمثيل 

نشرح طريقة نصب الكمين :

قبل الرؤية وقبل ظهور هلال رمضان

تنشط الفتيات في عملية التنظيف الذاتي والعناية الفائقة 

من اول التنظيف الكيماوي إلي فرد الشعر واقتلاع شعر أخر

وهنا نبدأ في الذهاب إلي المسجد ولكن ليس اي مسجد فكل فتاة لها مبدأ

هناك من ترضي بمسجد المنطقة التي تسكن بها فهي تريد من بمستواها

وهناك من تريد مستوي اعلي فتذهب لمساجد المناطق الراقية 

مثال ( مسجد الصديق بشيراتون – يوسف الصحابي ميدان الحجاز )

وهنا تبدأ الفتاة بإقتباس دور ( رابعة العدوية ) يعني جنب طيبة مول كده

والذهاب بالعباءة المحتشمة او الاسدال ( لا مكياج لا سفور ) حجاب علي ابوه

ونبدأ الصراع الرهيب مع الزمن فهو 30 او 29 يوما فقط انها معركة الشهر الواحد

اذا الايام الاولي مراقبة بالسونار وفيه تكون مسئولية الأم وليس علي البنت اي احتكاك

فقط الأم تذهب كأنها لا تعلم ابنتها وتبدأ البحث والتحري علي امهات العرسان

حتي تجد غايتها حينها تضغط زرار البدأ لابنتها يعني مثلا

تحجز كرسي نينه الحاجه – تجيب لها ميه ساقعه – كلمة حلوة بحياء كده

وبس يا سيدي وطبعا لو نينه مجتش في ميعادها للصلاة 

تقف الفتاة زنهار كجندي الحراسة والخدمة علي كرسي نينه الحاجه 

لا احد سيجلس علي هذا الكرسي إلا علي جثتها شخصيا فهي ليس اي سيدة

هي ام عريس المستقبل وزوج في اليد خير من 1000 عالشجرة 

وتأتي توصيات الأم حتي تقع ام العريس في هذا الكمين 

فتنسحب الفتاة في سلام وتدع الباقي لأمها

فتبدأ الأم بتوطيد العلاقات مع ام العريس

رقم تليفونها مثلا والعنوان يعني مثلا ينتظرون بعضهم للذهاب سويا للمسجد

مكالمات هاتفية صباحية ومسائية المهم توطيد العلاقة

تبدأ الأم تدس في وسط الكلام كم ان إبنتها تشيل عنها الهم والحمل

كم أن إبنتها طيبه ورقيقه ولم تتعبها يوما

وهنا تحكم القبضة علي العريس وأمه

ويبدأ التقل والتقل صنعة حتي يتم الاتفاق علي ميعاد 

هناك سيناريوهات عدة ولكن هذا الأساس 

لذلك احذروا ايها الشباب 

حسبة برما

Posted: سبتمبر 1, 2012 in عايز اتجوز
الوسوم:

صورة

السلام عليكم 

ازيكم يا شباب ايه الأخبار … لسه مش هنكتب الحكايات والقصص دلوقت

بس هنبدأ بس بنبذه بسيطة ممكن تفيد أي حد منكم مع اهل العروسة بتاعته 

يعني يعرفوا قد ايه الشاب النهارده بيتعب عشان يقدر حتي يتجوز

وازاي اللي بيتجوز النهارده بيبقي بطل حقيقي وبيبقي وسام علي صدره انه كمل نص دينه

انا بس عايز اعرف من الاهالي المحترمين كيف يمكن لشاب لسه متخرج ان يتزوج ويوفر 

نفس المستوي المعيشي لابنتك الذي انت كوالد عملت ما يقرب  من ربع قرن لتوفيره ؟ كيف ؟

هل تعرف ما هي متوسط الأجور عزيزي الأب ؟ هل تعرف اسعار الشقق ؟ هل تعرف ماذا يتكلف الشاب من اجل التشطيب فقط ؟

طيب هل تعلم عزيزي الأب كم يحرم الشاب نفسه من اشياء لكي يوفر ولو 500 جنيه من مرتبه شهريا ؟

دعنا نكن منطقيين ودعني لا اتحدث معك بالعاطفة ونتكلم بالواقع ومثال حي وصارخ وهو حقيقي وبالأرقام

اعذرني فأنا مهندس وتعلمت ان احلل المشكلة وابحث عن جذورها واقضي عليها نهائيا حتي لا تتكرر 

هذا ما تعلمته من عملي مع جنسيات مختلفه الا مصر فهي لها اهلها 

– سعر اقل شقة الأن يمكن ان يرضي بها اهل العروس 350 ألف جنيه طوب احمر ( منطقة متواضعه )

– الشبكة المتواضعه جدا وماتقدرش ما تجيبش لانه بيرميلك كلمة انها هدية العريس للعروسة ودي قيمته نقول 15000 الف جنيه

– سعر تشطيب الشقة الطوب الأحمر نقول 80 الف جنيه ( ده علي الضيق ولامم ايدي )

– الاجهزة الكهربائية والاشياء التي علي العريس بالشقة نقول 35 الف جنيه ( اشياء متواضعه )

– فرح بسيط شبكة وكتب كتاب ودخلة نقول 12 الف بالنص يعني 6000 جنيه علي العريس بس ( ده اهل محترمين وبيساعدوا )

– نقول مصاريف المأذون لو مؤخر صداق صغير 1000 مع التوثيق وكله 

– الاجمالي :

( 350000+15000+80000+35000+6000+1000 = 541000)

541 الف جنيه فقط لا غير يا جماعه مطلوبين لزيجة متواضعه جدا 

– نأتي للشاب الذي مرتبة 2000 جنيه شهريا ( وده امه دعياله ومهندس كمان )

– نفرض انه يعيش ب 500 جنيه في الشهر ويحتفظ ب 1500 جنيه شهريا 

– نحسب بقي يلزمه كام شهر ليتزوج ( 541000/1500=360 شهر وكسور )

يعني كام سنة ؟ ( 360 / 12 = 30 سنة وكسور )

– إذا ما رأيكم دام فضلكم 

لماذا ألسنتكم تنطق اذا جائكم من ترضون دينه وخلقه فزوجوه 

ولكن قلوبكم تقول من استطاع منكم الباءة فليتزوج ( تفسيره بداخلكم مغلوط )

لماذا اصبح الدين كالإكسسوارات يوضع علي الأرفف نأخذ منه ما نريده 

ونتجاهل ما يحل الأزمة من جذورها 

نعم نحن وطن مسلم ومصر اسلاميه كما تقولون ولكنها بدون مسلمين أساسا 

انظروا للغرب وتعلموا منهم كل شئ 

ونكتفي بذلك